Նորություններ

«Արսենալի» տրանսֆերային ցուցակում է հայտնվել Հենրիխ Մխիթարյանը

31.03.2016, 08:35

Հենրիխ ՄխիթարյանԴորտմունդի «Բորուսիայի» և Հայաստանի ազգային հավաքականի հարձակվողական ոճի կիսապաշտպան Հենրիխ Մխիթարյանը հայտնվել է «Արսենալի» տրանսֆերային ցուցակում։

 

«Շախտյորում» խաղալու ժամանակ մեր հայրենակիցը մոտ էր Պրեմիեր Լիգա տեղափոխվելուն։ Մխիթարյանի տրանսֆերի համար բանակցություններ էին վարում «Լիվերպուլը» և «Տոտտենհեմը»։

 

The Guardian պարբերականի հաղորդմամբ, վերջին շրջանում «Արսենալի» սկաուտները մշտապես հետևում են Հենրիխի խաղին, իսկ ակումբում տեսանյութերի միջոցով ուսումնասիրում են նրա տեխնիկա-տակտիկական կարողությունները։

 

Այս ամառ 27-ամյա Մխիթարյանին դժվար ընտրություն է սպասվում «Բորուսիայի» հետ պայմանագիրը երկարաձգելու և իրեն այլ լիգայում փորձելու հնարավորության միջև։ Հաշվի առնելով, որ Հենրիխի պայմանագիրը գերմանական ակումբի հետ կլրանա հաջորդ տարի՝ այս ամառ տրանսֆերային առաջարկների պակաս չի ունենա։

 

Ընթացիկ մրցաշրջանում Մխիթարյանի արդյունավետությունը նկատել է «զինագործների» գլխավոր մարզիչ Արսեն Վենգեր։ Սպասվում է, որ այս ամառ լոնդոնյան ակումբը մի քանի համալրում կունենա դաշտի կենտրոնում, քանի որ լրանում են Միկել Արտետայի, Մաթյո Ֆլամինիի և Տոմաշ Ռոսիցկու պայմանագրերը, իսկ Ալեքս Օքսլեյդ-Չեմբեռլենը, ամենայն հավանականությամբ, կհեռանա։

«Արսենալը» գնեց Բերնդ Լենոյին

20.06.2018, 10:17

«Արսենալը» գնեց Բերնդ Լենոյին

«Արսենալը» պաշտոնապես հայտնեց Գերմանիայի ազգային հավաքականի և Լևերկուզենի «Բայերի» դարպասապահ Բերնդ Լենոյին գնելու մասին։ Գործարքն արժեցել է մոտ 22 մլն ֆունտ։

կարդալ...

«Արսենալը» ձեռք բերեց Շտեֆան Լիխտշտայներին

05.06.2018, 20:10

«Արսենալը» ձեռք բերեց Շտեֆան Լիխտշտայներին

Ունաի Էմերիի գլխավորությամբ «Արսենալի» առաջին նորեկը դարձավ «Յուվենտուսի» նախկին պաշտպան Շտեֆան Լիխտշտայները։

կարդալ...