Նորություններ

«Արսենալ» - «Մանչեսթեր Յունայթեդ» (անոնս)

28.04.2013, 12:40

Արսենալ - Մանչեսթե ՅունայթեդՊրեմիեր Լիգայի 35-րդ տուրի կենտրոնական հանդիպումը տեղի կունենա Լոնդոնի «Էմիրեյթս» մարզադաշտում, ուր տեղի «Արսենալը» կհյուրընկալի չեմպիոնական տիտղոսը նվաճած «Մանչեսթեր Յունայթեդին»:

 

«Արսենալը» ավանդաբար հաջող է ավարտում մրցաշրջանը: Թիմը այս պահին գտնվում է մրցաշարային աղյուսակը 3-րդ հորիզոնականում և լավագույն քառյակում տեղը պահելու խնդիր ունի: Այսօրվա հաղթանակը կարող է շանսերը իրատեսական դարձնել: Արսեն Վենգերի թիմը «Տոտտենհեմին» պարտվելուց հետո 5 խաղում հաղթանակ է տարել և մեկ խաղ ավարտել ոչ-ոքի արդյունքով:

 

Իսկ ահա «մանկունյանցիները» արդեն տիրացել են ոսկե մեդալներին և կարող են խաղին ներկայանալ երկրորդ կազմով: Սակայն չպետք է մոռանալ, որ Սէր Ալեքսը ցանկություն էր հայտնել հավաքած միավորների քանակով ռեկորդ սահմանել:

 

Այս երկու ակումբների դիմակայությունը սկսվում է 19-րդ դարի վերջից: Թիմերը առաջին անգամ հանդիպել են 1894 թվականի հոկտեմբերի 13-ին, երբ «Յունայթեդը» դեռ կրում էր «Նյութոն Հիթ» անվանումը: Այդ խաղն ավարտվեց 3:3 հաշվով:

 

Ընդհանուր առմամբ «մանկունյանցիները» և «զինագործները» միմյանց դեմ դուրս են եկել 215 անգամ: 91 անգամ հաղթել է «Յունայթեդը», 78 անգամ՝ «Արսենալը» և 46 խաղ ավարտվել է խաղաղ ելքով: Խփած և բաց թողած գնդակների հարաբերությամբ առավելությունը նույնպես «Յունայթեդի» կողմն է (332-305):

 

Ընթացիկ մրցաշրջանում թիմերի առաջին հանդիպումը, որը տեղի ունեցավ նոյեմբերի 3-ին, ավարտվեց «կարմիր սատանաների» հաղթանակով՝ 2:1:

 

Լոնդոնցիներից վնասվածք ունեն Միկել Արտետան, Աբու Դիաբին և Լուկաշ Ֆաբիանսկին: Խաղին չի կարողանա մասնակցել նաև Օլիվյե Ժիրուն, ով նախորդ խաղում կարմիր քարտ է ստացել: Հյուրերից վնասվածք ունեն Էշլի Յանգը, Դարեն Ֆլետչերը և Փոլ Սքոուլզը:

 

Խաղը տեղի կունենա այսօր, Երևանի ժամանակով 19:00-ին:

Մեր կանխատեսումը՝ 2:1

Խաղին կարող եք online հետևել մեր կայքում՝ հետևյալ հղումով:

Ֆրեդը տեղափոխվեց «Մանչեսթեր Յունայթեդ»

21.06.2018, 18:42

Ֆրեդը տեղափոխվեց «Մանչեսթեր Յունայթեդ»

«Մանչեսթեր Յունայթեդը» պաշտոնապես հայտնել է «Շախտյորի» և Բրազիլիայի ազգային հավաքականի կիսապաշտպան Ֆրեդին գնելու մասին։

կարդալ...

«Արսենալը» գնեց Բերնդ Լենոյին

20.06.2018, 10:17

«Արսենալը» գնեց Բերնդ Լենոյին

«Արսենալը» պաշտոնապես հայտնեց Գերմանիայի ազգային հավաքականի և Լևերկուզենի «Բայերի» դարպասապահ Բերնդ Լենոյին գնելու մասին։ Գործարքն արժեցել է մոտ 22 մլն ֆունտ։

կարդալ...