Նորություններ

«Արսենալ» - «Մանչեսթեր Սիթի» (անոնս)

29.03.2014, 12:33

Ars-MCՊրեմիեր Լիգայի 32-րդ տուրի կենտրոնական հանդիպումներից առաջինը տեղի կունենա Լոնդոնի «Էմիրեյթս» մարզադաշտում, ուր «Արսենալը» կհյուրընկալի իր անմիջական մրցակից «Մանչեսթեր Սիթիին»:

 

Երկու թիմերն էլ գտնվում են լավագույն քառյակում և շարունակում են պայքարը չեմպիոնության համար: «Սիթին» 66 միավորով 3-րդն է, սակայն երկու խաղ պակաս է անցկացրել իրենից առաջ գտնվող «Լիվերպուլի» և «Չելսիի» համեմատ: «Արսենալը» 63 միավորով 4-րդն է և մեծ հաշվով այս խաղից է կախված չեմպիոնական պայքարում «զինագործների» մասնակցությունը:

 

Արսեն վենգերի սաներն ընթացիկ մրցաշրջանում պարզապես ձախողվում են գրանդ ակումբների հետ խաղերում: «Արսենալը» «Սիթիի» դեմ առաջին խաղում 6 գնդակ բաց թողեց, «Լիվերպուլի» դեմ խաղի 20 րոպեի ընթացքում՝ 4 գնդակ, մեկ շաբաթ առաջ «Չելսիի» դեմ խաղում «Արսենալը» պարտվեց 6:0 հաշվով և այժմ մրցելու է առաջնության լավագույն հարձակողական գիծ ունեցող թիմերից մեկի հետ:

 

Մանուել Պելեգրինիի թիմն այս խաղին է մոտեցել նախորդ տուրում սկզբունքային մրցակից «Մանչեսթեր Յունայթեդին» 0:3 հաշվով հաղթելուց հետո: Ինչ վերաբերվում է դաշտի տերերին, ապա նրանք նախորդ տուրում չկարողացան սեփական հարկի տակ հաղթել «Սուոնսի Սիթիին» (2:2):

 

«Մանչեսթեր Սիթին» և «Արսենալն» ընդհանուր առմամբ հանդիպել են 183 անգամ և առավելութունը լոնդոնցիների կողմն է, ովքեր հաղթել են միմյանց միջև անցկացված խաղերից 93-ում, 41 անգամ գրանցվել է ոչ ոքի և 49 խաղում ուժեղ են գտնվել «քաղաքայինները»:

 

Խաղը տեղի կունենա այսօր, Երևանի ժամանակով 21:30-ին:

Մեր կանխատեսումը՝ 1:3

«Մանչեսթեր Սիթին» իր համար ռեկորդային գումարով գնեց Ռիյադ Մահրեզին

11.07.2018, 14:50

«Մանչեսթեր Սիթին» իր համար ռեկորդային գումարով գնեց Ռիյադ Մահրեզին

«Մանչեսթեր Սիթին» թարմացրեց իր տրանսֆերային ռեկորդը՝ 60 մլն ֆունտ վճարելով «Լեսթերի» վինգեր Ռիյադ Մահրեզի համար։

կարդալ...

Ֆրեդը տեղափոխվեց «Մանչեսթեր Յունայթեդ»

21.06.2018, 18:42

Ֆրեդը տեղափոխվեց «Մանչեսթեր Յունայթեդ»

«Մանչեսթեր Յունայթեդը» պաշտոնապես հայտնել է «Շախտյորի» և Բրազիլիայի ազգային հավաքականի կիսապաշտպան Ֆրեդին գնելու մասին։

կարդալ...