Մոտակա հանդիպումները

24 նոյեմբեր 2018, 19:00

Բրենդան Ռոջերսը գովաբանել է Սթիվեն Ջերարդին

Սթիվեն Ջերարդ«Լիվերպուլի» գլխավոր մարզիչ Բրենդան Ռոջերսը կարծում է, որ իր թիմի ավագ Սթիվեն Ջերարդը ցուցադրում է «անկրկնելի» խաղ:

 

Հենց Ջերարդը դարձավ «Ֆուլհեմի» դեմ երեկվա խաղի գլխավոր հերոսը՝ գոլային փոխանցում կատարելով Դանիել Սթարիջին և խաղի վերջին րոպեին իրացնելով 11-մետրանոցը:

 

-Սթիվենն անկրկնելի ֆուտբոլ է ցուցադրում: Նա հերթական փայլուն խաղն անցկացրեց: Առաջին գոլի ժամանակ նրա փոխանցումն այն էր, ինչ նա անում է իր ողջ կյանքում: Իսկ խաղավարտին նա սառնասրտություն ցուցաբերեց: Երբ խաղի վերջին րոպեին 11-մետրանոցի հնարավորություն ես ստանում, ապա չկա այն իրացնող ավելի իդեալական ֆուտբոլիստ, քան Սթիվեն Ջերարդն է,- Ռոջերսի խոսքերն է մեջբերում ESPN-ը: