Նորություններ

Լեմպարդը հայտնել է «Չելսիից» հեռանալու մասին

03.06.2014, 09:50

Ֆրենկ Լեմպարդ«Չելսիում» 13 տարի անցկացնելուց հետո, կիսապաշտպան Ֆրենկ Լեմպարդը հայտնել է լոնդոնյան ակումբից հեռանալու մասին: 35-ամյա Լեմպարդի պայմանագիրը լրանում է հունիսի վերջին, և «կապույտները» որոշել են չերկարաձգել իրենց վետերանի պայմանագիրը, ի տարբերություն Ջոն Թերրիի: Այժմ Ֆրենկն իր համար նոր ակումբ պետք է գտնի:

 

Անգլիացի կիսապաշտպանը «Չելսիի» կազմում երեք անգամ հաղթել է Պրեմիեր Լիգան, չորս անգամ դարձել է Անգլիայի գավաթակիր և մեկական անգամ հաղթել է Չեմպիոնների Լիգան և Եվրոպա Լիգան: Խփած 211 գոլով Լեմպարդը «Չելսիի» պատմության լավագույն ռմբարկուն է:

 

Ինչպես հաղորդում է The Guardian-ը, Ֆրենկը բանակցություններ է վարում «Մանչեսթեր Սիթիի» դուստր ակումբ «Նյու-Յորք Սիթիի» հետ: Ամենայն հավանականությամբ, իր կարիերայի մնացած հատվածը նա կանցկացնի ԱՄՆ-ում:

 

-Երբ 13 տարի առաջ ես եկա այս ակումբ, մտքովս չէր անցնում, որ այսքան շատ խաղի կմասնակցեմ և կհասնեմ նման հաջողության: Այս ակումբը դարձավ իմ կյանքի մի մասը, և ես ցանկանում եմ շնորհակալություն հայտնել այն մարդկանց, ովքեր ինձ տվեցին այդ հնարավորությունը: Առաջին հերթին շնորհակալ եմ Կեն Բեյթսին («Չելսիի» նախկին մարզիչը), ով ինձ պայմանագիր առաջարկեց: Երկրորդը՝ Ռոման Աբրամովիչին, ով փրկեց մեր ակումբը և բարձրացրեց նոր մակարդակի: Երրորդը՝ այն մարզիչներին, ովքեր այս ընթացքում ինձ օգնել են: Ես նրանցից շատ բան եմ սովորել:

 

Եվ վերջապես, ցանկանում եմ շնորհակալություն հայտնել երկրպագուներին: Ես նրանց համարում եմ համաշխարհային ֆուտբոլի լավագույն երկրպագուները: Երբեք չեմ մոռանա նրանց աջակցությունը:

 

Շնորհակալ եմ ամեն ինչի համար, շարունակեք պատմություն կերտել,- ասել է Լեմպարդը:

«Չելսի» 3-2 «Արենալ» (տեսանյութ)

18.08.2018, 22:25

«Չելսի» 3-2 «Արենալ» (տեսանյութ)

Պրեմիեր Լիգայի 2-րդ տուրի կենտրոնական հանդիպումը կայացավ «Սթեմֆորդ Բրիջ» մարզադաշտում, ուր «Չելսին» հյուրընկալել էր «Արսենալին»։

կարդալ...

«Հադերսֆիլդ» 0-3 «Չելսի» (տեսանյութ)

11.08.2018, 19:56

«Հադերսֆիլդ» 0-3 «Չելսի» (տեսանյութ)

Պրեմիեր Լիգայի 2018/19 մրցաշրջանի իր առաջին խաղում «Չելսին» հյուրընկալել էր «Հադերֆիլդ Թաունին»։

կարդալ...