Նորություններ

«Լիվերպուլ» - «Տոտտենհեմ» (անոնս)

30.03.2014, 11:28

Liverpool-SpursՊրեմիեր Լիգայի 32-րդ տուրի կենտրոնական հանդիպումներից երկրորդը տեղի կունենա Լիվերպուլ քաղաքի «Էնֆիլդ» մարզադաշտում, ուր տեղի «Լիվերպուլը» կհյուրընկալի մայրաքաղաքը ներկայացնող «Տոտտենհեմին»:

 

«Լիվերպուլը» շարունակում է միավորներ հավաքել, իսկ նրա մրցակիցները շարունակում են միավորներ կորցնել: Երեկ միավոր կորցրեցին «Լիվերպուլի» անմիջական մրցակիցներ «Չելսին», «Մանչեսթեր Սիթին» և «Արսենալը»: Այսօրվա հաղթանակի դեպքում Բրենդան Ռոջերսի սաները դուրս կգան առաջին հորիզոնական:

 

Սակայն հաղթանակը շատ կարևոր է նաև «Տոտտենհեմի» համար, որը դեռևս լավագույն քառյակում տեղ զբաղեցնելու հույս է պահպանում: Թիմ Շերվուդի սաները 56 միավորով 6-րդն են և հաղթանակի դեպքում 4-րդ հորիզոնականում գտնվող «Արսենալի» նկատմամբ միավորների տարբերությունը կհասցնեն 5-ի:

 

Ընթացիկ մրցաշրջանում «Տոտտենհեմը» չի կարողանում դիմակայել գրանդ ակումբներին: Լավագույն քառյակի ակումբների հետ «Տոտտենհեմն» ընդհանուր դիմակայության արդյունքն է 23-2, ընդ որում «Լիվերպուլի» դեմ առաջին խաղն ավարտվեց մերսիսայդցիների ջախջախիչ հաղթանակով՝ 0:5:

 

Թիմերն ընդհանուր առմամբ հանդիպել են 158 անգամ և առավելությունը «Լիվերպուլի» կողմն է, որը հաղթել է 72 անգամ, 39 գրանցվել է ոչ ոքի և 47 խաղում հաղթել է «Տոտտենհեմը»:

 

Խաղը տեղի կունենա այսօր, Երևանի ժամանակով 19:00-ին:

Մեր կանխատեսումը՝ 3:1:

Չելսին հաղթեց Արսենալին և նվաճեց Եվրոպա Լիգայի գավաթը (տեսանյութ)

30.05.2019, 00:51

Չելսին հաղթեց Արսենալին և նվաճեց Եվրոպա Լիգայի գավաթը (տեսանյութ)

Բաքվի Օլիմպիական մարզադաշտում կայացավ Եվրոպա Լիգայի եզրափակիչը, որտեղ միմյանց հետ մրցեցին երկու անգլիական ակումբներ՝ «Արսենալը» և «Չելսին»։

կարդալ...

«Մանչեսթեր Սիթին» Պրեմիեր Լիգայի չեմպիոն (տեսանյութ)

12.05.2019, 19:50

«Մանչեսթեր Սիթին» Պրեմիեր Լիգայի չեմպիոն (տեսանյութ)

Այսօր միաժամանակ կայացան Պրեմիեր Լիգայի 38-րդ տուրի բոլոր 10 հանդիպումները։ Չեմպիոնական պայքարում գտնվող «Մանչեսթեր Սիթին» հյուրընկալվել էր «Բրայթոնին»։

կարդալ...