Նորություններ

Լուկակուի տրանսֆերը «Յունայթեդի» առաջնային նպատակն է

11.05.2017, 16:19

Ռոմելու Լուկակու«Էվերթոնի» հարձակվող Ռոմելու Լուկակուն գլխավորում է «Մանչեսթեր Յունայթեդի» տրանսֆերային ցուցակը։ Ընթացիկ մրցաշրջանում 23-ամյա բելգիացին մերժեց պայմանագիրը «Էվերթոնի» հետ երկարաձգելու առաջարկը։ Հետագայում Ռոմելուն ակնարկեց, որ մտադիր է փոխել ակումբը և գնալ իր կարիերայում նոր մարտահրավերների։

 

Ինչպես հաղորդում է The Guardian֊ը, Լուկակուի համար հաջողության հասնելու հարթակ կարող է լինել «Մանչեսթեր Յունայթեդը»։ «Կարմիր սատանաների» գլխավոր մարզիչ Ժոզե Մոուրինյոն Ռոմելուին արդեն ներառել է իր տրանսֆերային ցուցակում։

 

Չնայած, որ չորս տարի առաջ հենց պորտուգալացին Լուկակուին վաճառեց «Չելսիից», Մոուրինյոն վստահ է, որ բելգիացին կարող է փոխարինել Զլատան Իբրահիմովիչին, ում կարիերան, ամենայն հավանականությամբ, ավարտված է «Օլդ Թրաֆորդում»։

 

Աղբյուրի հաղորդմամբ, գործարքի կայացման միակ խոչընդոտը կարող է լինել Չեմպիոնների Լիգայի ուղեգրից «Յունայթեդի» զրկվելը։ Այդ պարագայում Լուկակուի համար պայքարում ֆավորիտ կդառնա իր նախկին ակումբ «Չելսին»։

«Արսենալը» ձեռք բերեց Շտեֆան Լիխտշտայներին

05.06.2018, 20:10

«Արսենալը» ձեռք բերեց Շտեֆան Լիխտշտայներին

Ունաի Էմերիի գլխավորությամբ «Արսենալի» առաջին նորեկը դարձավ «Յուվենտուսի» նախկին պաշտպան Շտեֆան Լիխտշտայները։

կարդալ...

«Լիվերպուլը» գնեց Ֆաբինյոյին

29.05.2018, 11:15

«Լիվերպուլը» գնեց Ֆաբինյոյին

«Լիվերպուլը» պաշտոնապես հայտնել է «Մոնակոյի» կիսապաշտպան Ֆաբինյոյին գնելու մասին։ Գործարքն արժեցել է 50 մլն եվրո (43.7 մլն ֆունտ)։

կարդալ...