Նորություններ

Լուկաս Պոդոլսկին երջանիկ է խաղալ որպես վինգեր

25.01.2013, 15:26

Լուկաս ՊոդոլսկիԼուկաս Պոդոլսկին հայտնել է, որ չի պատրաստվում պահանջել Արսեն Վենգերից իրեն տեղափոխել կենտրոնական հարձակվողի դիրք:

 

Ընթացիկ մրցաշրջանում Լուկասի թիմակից Թեո Ուոլկոտին է Վենգերը սկսել խաղացնել հարձակման սուր գծում: Միևնույն ժամանակ Պոդոլսկին բազմիցս նշել է, որ կցանկանար խաղալ կենտրոնական հարձակվողի դիրքում:

 

Մինչդեռ Լուկասը չի պատրաստվում այս մասին խնդրել գլխավոր մարզչին, հատկապես որ այս շաբաթ կայացած «Արսենալ»-«Վեստ Հեմ» խաղում (5:1) Պոդոլսկին ապացուցեց, որ կարող է օգտակար լինել և որպես ձախ վինգեր: Այդ խաղում գերմանացին գոլ խփեց և կատարեց 3 արդյունավետ փոխանցում:

 

-Կարծում եմ՝ ավելի շատ կհարվածեի և ավելի շատ գոլեր կխփեի, եթե խաղայի որպես հարձակվող: Սակայն հաշվի առնելով «Արսենալի» ոճը՝ ես շատ լավ գլուխ եմ հանում նաև ձախ եզրում: Երջանիկ եմ, որ այդ դիրքում եմ խաղում:

 

Արդեն 7 գնդակ եմ խփել և կատարել 9 փոխանցում: Սա նորմալ մեկնարկ է ինձ համար: «Քյոլնում», երբեմն նաև հավաքականում խաղացել եմ ձախ եզրում, այդ իսկ պատճառով ինձ համար այստեղ ոչ մի արտասովոր բան չկա:

 

Շատ կարևոր է, որ հիմա խաղում ենք Չեմպիոնների Լիգայում: Դեռ բավականին ժամանակ ունենք, որպեսզի վերադառնանք ուժեղագույնների քառյակ,- հայտնել է Պոդոլսկին ակումբի պաշտոնական կայքին տված հարցազրույցում:

«Արսենալը» գլխավոր մարզչի պաշտոնում նշանակել է Ունայ Էմերիին

23.05.2018, 20:51

«Արսենալը» գլխավոր մարզչի պաշտոնում նշանակել է Ունայ Էմերիին

«Արսենալը» պաշտոնապես հայտնել է գլխավոր մարզչի պաշտոնում Ունայ Էմերիին նշանակելու մասին։ «Արսենալում» 46-ամյա մասնագետին բարդ աշխատանք է սպասվում Արսեն Վենգերի հեռանալուց հետո։

կարդալ...

«Լեսթեր Սիթի» 3-1 «Արսենալ» (տեսանյութ)

10.05.2018, 11:48

«Լեսթեր Սիթի» 3-1 «Արսենալ» (տեսանյութ)

Երեկ կեսգիշերին կայացան Պրեմիեր Լիգայի 31-րդ տուրից հետաձգված 4 հանդիպումներ։ «Արսենալն» իր նախավերջին խաղում հյուրընկալվել էր «Լեսթեր Սիթիին»։

կարդալ...