Մոտակա հանդիպումը

15 դեկտեմբեր 2018, 16:30

Նորություններ

Խուան Մատան բաց նամակով դիմել է «Չելսիի» երկրպագուներին

26.01.2014, 11:53

Խուան Մատա«Մանչեսթեր Յունայթեդ» տեղափոխվելուց հետո Խուան Մատան «Չելսիի» երկրպագուներին իր շնորհակալությունը հայտնել է բաց նամակով:

 

25-ամյա իսպանացին երեկ ժամանեց «կարմիր սատանաների» մարզաբազա, որտեղ բուժզննում անցավ և պայմանագիր ստորագրեց: Մատայի տեղափոխության համար «Մանչեսթեր Յունայթեդը» վճարեց իր համար ռեկորդային՝ 37.1 մլն ֆունտ:

 

Ընթացիկ մրցաշրջանի առաջին հատվածը Մատայի համար ծանր ստացվեց, սակայն նա ցանկանում է միայն լավ պահերը հիշել:

 

-Մինչև վերջին տարին ես ցանկանում էի երկար մնալ «Չելսիում»: Խաղալ «Չելսիի» համար այնքան, որքան նրանք կցանկանան: Ես շատ երջանիկ էի ակումբում և քաղաքում:

 

Մրցաշրջանի մեկնարկին իրավիճակը փոխվեց: Կարևոր ֆուտբոլիստ լինելու զգացումից հետո ես սկսեցի հասկանալ, որ այլևս ակումբն իմ կարիքը չունի և ես չեմ կարողանում օգնել թիմին: Ֆուտբոլը թիմային խաղ է և հեշտ չէ մշտապես խաղալ այդպիսի բարձրակարգ ակումբում:

 

Ես երբեք չեմ մոռանա «Չելսիի» երկրպագուներին, ովքեր ինձ միշտ լավ են ընդունել՝ առաջին օրվանից մինչև հիմա: Ես ինձ հետ լավ հիշողություններ եմ տանում: Անգլիայի գավաթը «Չելսիում» իմ առաջին տիտղոսն էր: Անհնարին է մոռանալ ակումբի համար այն պատմական երեկոները, երբ նվաճեցինք Չեմպիոնների Լիգայի գավաթը՝ Մյունխենում և Լիգայի գավաթն՝ Ամստերդամում:

 

Չեմ կարող մոռանալ, որ երկու անգամ դուք ինձ ընտրեցիք տարվա լավագույն ֆուտբոլիստ: Ես մեծ հպարտությամբ և հիացմունքով եմ հիշում այդ պահերը: Շնորհակալ եմ իմ նախկին թիմակիցներին: Ընկերությունը հավերժ է, իսկ մրցակցությունը՝ միայն խաղադաշտում,- ասել է Մատան:

«Մանչեսթեր Յունայթեդ» 4-1 «Ֆուլհեմ» (տեսանյութ)

08.12.2018, 20:55

«Մանչեսթեր Յունայթեդ» 4-1 «Ֆուլհեմ» (տեսանյութ)

Պրեմիեր Լիգայի 16-րդ տուրում «Մանչեսթեր Յունայթեդը» հյուրընկալել էր հետնապահ «Ֆուլհեմին»։

կարդալ...

«Մանչեսթեր Յունայթեդ» 2-2 «Արսենալ» (տեսանյութ)

06.12.2018, 02:05

«Մանչեսթեր Յունայթեդ» 2-2 «Արսենալ» (տեսանյութ)

Պրեմիեր Լիգայի 15-րդ տուրի կենտրոնական հանդիպումը կայացավ «Օլդ Թրաֆորդ» մարզադաշտում, ուր «Յունայթեդը» հյուրընկալել էր մայրաքաղաքից ժամանած «Արսենալին»։

կարդալ...