Նորություններ

«Մանչեսթեր Յունայթեդ» - «Մանչեսթեր Սիթի» (անոնս)

25.03.2014, 11:29

MU-MCԱյսօր երեկոյան տեղի կունենա Պրեմիեր Լիգայի 28-րդ տուրից հետաձգված մանչեսթերյան դերբին: «Յունայթեդը» կհյուրընկալի սկզբունքային մրցակից «Մանչեսթեր Սիթիին»:

 

Ընթացիկ մրցաշրջանը կարելի է ձախողված համարել «Յունայթեդի» համար, որն այս պահին զբաղեցնում է մրցաշարային աղյուսակի 7-րդ հորիզոնականը: Դևիդ Մոյեսի սաները դուրս են մնացել Անգլիայի գավաթային առաջնություններից, իսկ Չեմպիոնների Լիգայում պայքարը շարունակելու ամենից քիչ շանսերն ունեն:

 

Ի տարբերություն «Յունայթեդի», նրանց այսօրվա մրցակիցն այս մրցաշրջանում արդեն հաղթել է Լիգայի գավաթը, իսկ Պրեմիեր Լիգայում դեռևս շարունակում է չեմպիոնական պայքարը: «Մանչեսթեր Սիթին» այս պահին զբաղեցնում է 3-րդ հորիզոնականը, սակայն առաջատար «Չելսիից» երեք խաղ պակաս է անցկացրել: Ընթացիկ մրցաշրջանում Մանչեսթեր քաղաքը ներկայացնող այս ակումբների առաջին դիմակայությունն ավարտվեց Մանուել Պելեգրինիի թիմի ջախջախիչ հաղթանակով՝ 4:1:

 

Թիմերն ընդհանուր առմամբ հանդիպել են 166 անգամ և առավելությունը «Յունայթեդի» կողմն է, որը հաղթել է միմյանց միջև անցկացված խաղերից 69-ում: 50 անգամ գրանցվել է ոչ ոքի և միայն 47 խաղում են ուժեղ գտնվել «քաղաքայինները»:

 

Խաղը տեղի կունենա այսօր, Երևանի ժամանակով 23:45-ին:

Մեր կանխատեսումը՝ 1:2:

«Լիվերպուլ» 4-3 «Մանչեսթեր Սիթի» (տեսանյութ)

14.01.2018, 22:07

«Լիվերպուլ» 4-3 «Մանչեսթեր Սիթի» (տեսանյութ)

Պրեմիեր Լիգայի 23-րդ տուրի կենտրոնական հանդիպումը կայացավ «Էնֆիլդ Ռոուդ» մարզադաշտում, ուր «Լիվ երպուլը» հյուրընկալել էր առաջատար «Մանչեսթեր Սիթին»։

կարդալ...

«Բորնմուտ» 2-1 «Արսենալ» (տեսանյութ)

14.01.2018, 19:24

«Բորնմուտ» 2-1 «Արսենալ» (տեսանյութ)

Պրեմիեր Լիգայի 23-րդ տուրի այսօրվա առաջին խաղում «Արսենալը» հյուրընկալվել էր 17-րդ հորիզոնականում գտնվող «Բորնմուտին», որը պատմության մեջ իր առաջին հաղթանակը տարավ «զինագործների» նկատմամբ։

կարդալ...