Նորություններ

Մատեո Դարմիանը տեղափոխվեց «Յունայթեդ»

12.07.2015, 09:36

Մատեո Դարմիան«Մանչեսթեր Յունայթեդը» պաշտոնապես հայտնել է իտալական «Տորինոյի» աջ պաշտպան Մատեո Դարմիանին գնելու մասին: Գործարքը գնահատվում է մոտ 13 մլն ֆունտ:

 

Իտալիայի ազգային հավաքականի ֆուտբոլիստը, ով ունի հայկական արմատներ, դարձավ այս շաբաթ «կարմիր սատանաների» երկրորդ ձեռքբերումը «Բավարիայի» կիսապաշտպան Բաստիան Շվայնշտայգերից հետո:

 

25-ամյա Դարմիանը Մանչեսթեր է ժամանել ուրբաթ օրը, որից հետո բուժզննում է անցել և չորս տարվա պայմանագիր ստորագրել: Մատեոն կլինի նոր մրցաշրջանում «Յունայթեդի» հիմնական կազմի ֆուտբոլիստ:

 

Դարմիանը «Տորինոյում» էր 2011 թվականից: Նախորդ մրցաշրջանում Մատեոն մասնակցեց Ա Սերիայի 32 հանդիպման, նաև ամրագրեց տեղը Իտալիայի ազգային հավաքականում, որի կազմում մասնակցեց Հայաստանի հավաքականի դեմ երկու խաղերին:

 

Ավելացնենք, որ տրանսֆերային արժեքի 5%-ը, որը կազմում է մոտ 287 հզր ֆունտ, ստացել է «Միլանը», որի համակարգում Դարմիանը գտնվել է 2001-2010 թվականներին:

«Մանչեսթեր Յունայթեդ» 2-1 «Լեսթեր Սիթի» (տեսանյութ)

11.08.2018, 09:28

«Մանչեսթեր Յունայթեդ» 2-1 «Լեսթեր Սիթի» (տեսանյութ)

Պրեմիեր Լիգայի 2018/19 մրցաշրջանի մեկնարկը տրվեց «Օլդ Թրաֆորդ» մարզադաշտում, ուր «Յունայթեդը» հյուրընկալել էր «Լեսթեր Սիթիին»։

կարդալ...

«Չելսին» տրանֆերային շուկայում դարպասապահի նոր ռեկորդ սահմանեց

09.08.2018, 16:12

«Չելսին» տրանֆերային շուկայում դարպասապահի նոր ռեկորդ սահմանեց

«Չելսին» պաշտոնապես ավարտին հասցրեց «Ատլետիկի» դարպասապահ Կեպա Արիսաբալագայի տրանսֆերը։ Գործարքի արժեքը կազմել է 80 մլն եվրո (71 մլն ֆունտ)։

կարդալ...