Նորություններ

Մոուրինյոն Օզիլի պատճառով Դեմբա Բային բաց չթողեց «Արսենալ»

04.09.2013, 15:21

Ժոզե Մոուրինյո«Չելսիի» գլխավոր մարզիչ Ժոզե Մոուրինյոն հայտնել է, որ Մեսութ Օզիլին ձեռք բերելուց հետո «Արսենալը» դարձել է տիտղոսների հավակնորդ, այդ պատճառով էլ նա հրաժարվեց բաց թողնել հարձակվող Դեմբա Բային:

 

Տրանսֆերային պատուհանի փակման օրը «զինագործները» շատ մոտ էին սենեգալցի հարձակվողին վարձակալելուն: Սակայն Մոուրինյոն խանգարել է գործարքն իրականացնելուն` ենթադրելով, որ «Ռեալ Մադրիդի» կիսապաշտպան Մեսութ Օզիլի տեղափոխությունից հետո «Արսենալը» կպայքարի տիտղոսի համար:

 

-Օզիլը շատ տաղանդավոր ֆուտբոլիստ է, նրա նմանը չկա: Նա աշխարհի լավագույն 10 համարն է: Նա շատ լավ է տեսնում խաղադաշտը և միաժամանակ իր մեջ ունի Զիդանի և Ֆիգուի որակները:

 

Մենք չընդունեցինք «Արսենալի» առաջարկը Դեմբա Բայի վերաբերյալ, քանի որ Օզիլին ձեռք բերելուց հետո նրանք չեմպիոնական տիտղոսի պայքարում լուրջ առաջընթաց կունենան,- Մոուրինյոյի խոսքերն է մեջբերում AS-ը:

 

Այդուհանդերձ, ինչպես հայտնում է Daily Mail-ը, «Արսենալի» ղեկավարներն ապշած են «Չելսիի» որոշումից: «Էմիրեյթսում» վստահ էին, որ Բայի վարձակալությունն անխուսափելի է, իսկ հետո չհասցրեցին նոր տարբերակ փնտրել:

 

Ավելացնենք, որ մի քանի շաբաթ առաջ Մոուրինյոն քննադատել էր «Մանչեսթեր Յունայթեդի» դիրքորոշումն Ուեյն Ռունիի վերաբերյալ: Այն ժամանակ պորտուգալացին հայտնել էր, որ չի հասկանում, թե ինչու անգլիական ակումբները թույլ չեն տալիս իրենց ֆուտբոլիստներին մրցակից ակումբներ տեղափոխվել:

Ժորժինյոն տեղափոխվեց «Չելսի»

14.07.2018, 16:33

Ժորժինյոն տեղափոխվեց «Չելսի»

«Չելսին» պաշտոնապես հայտարարեց «Նապոլիի» և Իտալիայի ազգային հավաքականի կիսապաշտպան Ժորժինյոյին 50 մլն ֆունտով գնելու մասին։

կարդալ...

«Չելսին» գլխավոր մարզչի պաշտոնում նշանակեց Մաուրիսիո Սարիին

14.07.2018, 14:18

«Չելսին» գլխավոր մարզչի պաշտոնում նշանակեց Մաուրիսիո Սարիին

Անտոնիո Կոնտեին հեռացնելու հաջորդ օրը «Չելսին» հայտարարեց գլխավոր մարզչի պաշտոնում Մաուրիսիո Սարիին նշանակելու մասին։

կարդալ...