• Արսենալ
  • Բերնլի
  • Բորնմուտ
  • Բրայթոն ընդ Հոուվ Ալբիոն
  • Էվերթոն
  • Լեսթեր Սիթի
  • Լիվերպուլ
  • Կրիստալ Փելես
  • Հադերսֆիլդ Թաուն
  • Մանչեսթեր Յունայթեդ
  • Մանչեսթեր Սիթի
  • Նյուքասլ Յունայթեդ
  • Ուոթֆորդ
  • Չելսի
  • Սաութհեմպտոն
  • Սուոնսի Սիթի
  • Ստոկ Սիթի
  • Վեստ Բրոմվիչ Ալբիոն
  • Վեստ Հեմ Յունայթեդ
  • Տոտտենհեմ Հոտսպուր

    Նորություններ

    «Չելսին» կենտրոնացել է Դիեգո Սիմեոնեի վրա

    17.12.2015, 12:07

    Դիեգո Սիմեոնե«Չելսին» շատ մոտ է այն բանին, որպեսզի իրագործի գլխավոր մարզիչ Ժոզե Մոուրինյոյին հեռացնելու իր պլանը։ Հակառակ մամուլում շրջանառվող լուրերի, «կապույտները» չեն պայքարում «Բավարիայի» գլխավոր մարզիչ Խոսեպ Գվարդիոլայի համար։

     

     

    Երեկ լուրեր հայտնվեցին, որ «Չելսին» պատրաստ է մանչեսթերյան երկու ակումբների հետ պայքարել Գվարդիոլայի համար, ով վերջնականապես որոշել է մրցաշրջանի ավարտից հետո լքել «Բավարիան»։

     

    Սակայն The Telegraph-ը հերքում է այդ լուրը, քանի որ «Սթեմֆորդ Բրիջում» վստահ են, որ հաջորդ մրցաշրջանում Գվարդիոլան կմարզի «Սիթին»։ Այս պարագայում, «կապույտներին» ճգնաժամից դուրս գալու համար նոր պլան է հարկավոր։

     

    «Չելսիի» սեփականատեր Ռոման Աբրամովիչը շարունակում է քննարկել իրավիճակն իր տնօրենների հետ և չնայած որ դեռ վերջնական որոշում չի ընդունվել Մոուրինյոյի հետ կապված, ակումբն արդեն դիտարկում է նրան փոխարինելու հավանական տարբերակները։

     

    Լոնդոնյան ակումբը, որպես ժամանակավոր տարբերակ, կարող է հրավիրել 69-ամյա Գուս Հիդինգին, ով այդ դերը ստանձնել է 2009 թվականին և «Չելսիի» հետ հաղթել է Անգլիայի գավաթը։

     

    Իսկ երկարաժամկետ պլանների համար «Չելսիի» ուշադրության կենտրոնում Մադրիդի «Ատլետիկոյի» գլխավոր մարզիչ Դիեգո Սիմեոնեն է, ով Պրեմիեր Լիգայում աշխատանքի կարող է անցնել ոչ շուտ, քան մրցաշրջանի ավարտից հետո։ Արգենտինացու համար պահանջվող 15 մլն ֆունտը խնդիր չի լինի «ազնվականների» համար։

     

    Ավելացնենք, որ Սիմեոնեն լավ ճանաչում է «Չելսիի» առաջատար ֆուտբոլիստներից երկուսին՝ դարպասապահ Տիբո Կուրտուային և հարձակվող Դիեգո Կոստային, որոնց հետ աշխատել է «Ատլետիկոյում»։

    Չեմպիոնների Լիգայի վիճակահանություն

    11.12.2017, 15:45

    Չեմպիոնների Լիգայի վիճակահանություն

    Նիոնում կայացած Չեմպիոնների Լիգայի վիճակահանության արդյունքում անգլիական թիմերն իմացան իրենց մրցակիցներին։

    կարդալ...

    «Վեստ Հեմ» 1-0 «Չելսի» (տեսանյութ)

    09.12.2017, 18:27

    «Վեստ Հեմ» 1-0 «Չելսի» (տեսանյութ)

    Պրեմիեր Լիգայի 16-րդ տուրի մեկնարկը տրվեց լոնդոնյան դերբիով։ «Վեստ Հեմ Յունայթեդն» ընդունել էր գործող չեմպիոն «Չելսիին»։

    կարդալ...