Մոտակա հանդիպումը

22 սեպտեմբեր 2018, 15:30

Նորություններ

«Չելսին» պաշտոնանկ արեց Մոուրինյոյին

17.12.2015, 19:33

Jose-Mourinho«Չելսին» գլխավոր մարզչի պաշտոնից հեռացրեց Ժոզե Մոուրինյոյին։ Այս մասին հայտնում է լոնդոնյան ակումբի պաշտոնական կայքը։

 

«Սթեմֆորդ Բրիջում» պորտուգալացի մասնագետի երկրորդ շրջանը սկսեց 2013 թվականին։ Ժոզեն կարճ ժամկետում փոխեց ակումբը և արդեն երկրորդ տարում հաղթեց Պրեմիեր Լիգան, ինչպես նաև Լիգայի գավաթը։

 

Սակայն Մոուրինյոյի համար երրորդ մրցաշրջանը ձախողվեց։ Օգոստոսին «կապույտներն» Անգլիայի սուպերգավաթային խաղում պարտվեցին «Արսենալին», իսկ մեկ շաբաթ հետո Պրեմիեր Լիգայում զիջեցին «Սուոնսի Սիթիին»։ Այդ խաղում Մոուրինյոն վիճեց Եվա Կարնեյրոյի հետ, ով հետո կորցրեց աշխատանքը։

 

Այդ պահից Ժոզեն բազում սկանդալների մեջ է հայտնվել՝ մեկ քննադատելով իր գործընկեր Արսեն Վենգերին, մեկ մրցավարներին, իսկ «Լեսթեր Սիթիից» կրած պարտությունից հետո, անգամ իր ֆուտբոլիստներին։

 

Այս պարագայում, Պրեմիեր Լիգայի մեկնարկային 16 խաղերից 9-ում պարտություն կրելուց հետո, «Չելսին» որոշեց բաժանվել ակումբի 110-ամյա պատմության ամենահաջողակ մարզչից։

 

Այժմ «ազնվականները» նոր մարզիչ են փնտրում։ Հաղորդվում է, որ կարճաժամկետ պլանների համար ակումբ կհրավիրվի Գուս Հիդինգը, իսկ այդ ընթացքում «Չելսին» կփորձի համաձայնության գալ «Ատլետիկոյի» գլխավոր մարզիչ Դիեգո Սիմեոնեի հետ։

«Չելսի» 4-1 «Քարդիֆ Սիթի» (տեսանյութ)

16.09.2018, 10:07

«Չելսի» 4-1 «Քարդիֆ Սիթի» (տեսանյութ)

Պրեմիեր Լիգայի 5-րդ տուրում «Չելսին» հյուրընկալել էր առաջնության նորեկ «Քարդիֆ Սիթիին»։

կարդալ...

Ֆուտբոլիստների վաճառքից ամենաշատ վաստակած 20 ակումբները

05.09.2018, 14:00

Ֆուտբոլիստների վաճառքից ամենաշատ վաստակած 20 ակումբները

Շվեյցարական «CIES Football Observatory» կայքը ներկայացրել է Եվրոպայի Թոփ-5 առաջնությունների վերջին 8 տարվա ֆինանսական վերլուծությունը։

կարդալ...