Մոտակա հանդիպումները

29 հունվար 2019, 23:45

Նորություններ

«Չելսի» - «Արսենալ» (անոնս)

21.03.2014, 21:56

Chelsea-ArsenalՊրեմիեր Լիգայի 31-րդ տուրի կենտրոնական հանդիպումը տեղի կունենա «Սթեմֆորդ Բրիջ» մարզադաշտում, ուր լոնդոնյան դերբիում միմյանց կհանդիպեն չեմպիոնական մրցավազքի գլխավոր ֆավորիտներից «Չելսին» և «Արսենալը»:

 

«Կապույտներն» այժմ գլխավորում են մրցաշարային աղյուսակը: «Չելսին» ընթացիկ մրցաշրջանում ամենից շատ հաղթանակներ տոնած (20) և ամենից քիչ պարտություն կրած (4) թիմն է: Ժոզե Մոուրինյոյի թիմն աչքի է ընկնում նաև ամուր պաշտպանությամբ: «Չելսին» 30 խաղում բաց է թողել ընդամենը 23 գնդակ:

 

Ինչ վերաբերվում է «Արսենալին», ապա «զինագործները» 62 միավորով զբաղեցնում են 3-րդ հորիզոնականը: «Արսենալը» նախորդ տուրում նվազագույն հաշվով առավելության հասավ «Տոտտենհեմի» նկատմամբ, իսկ «Չելսին» նվազագույն հաշվով պարտվեց «Աստոն Վիլլային»: Արսեն Վենգերի թիմում լուրջ կադրային խնդիրներ կան: Առողջական խնդիրների պատճառով ֆրանսիացու տրամադրության տակ չեն լինի հիմնական կազմի մի քանի ֆուտբոլիստներ: «Արսենալի» համար այս խաղը կարևոր է ոչ միայն չեմպիոնական մրցավազքի առումով, այլ նաև, որ սա կլինի Արսեն Վենգերի 1000-րդ հանդիպումը՝ որպես «Արսենալի» գլխավոր մարզիչ:

 

Լոնդոնյան այս երկու գրանդներն ընդհանուր առմամբ հանդիպել են 181 անգամ և առավելությունը Լոնդոնի հյուսիսը ներկայացնող ակումբի կողմն է: «Արսենալը» հաղթել է միմյանց միջև անցկացված խաղերից 71-ում: 53 խաղում գրանցվել է ոչ ոքի և միայն 57 խաղում են ուժեղ գտնվել «ազնվականները»:

 

Խաղը տեղի կունենա վաղը Երևանի ժամանակով 16:45-ին:

Մեր կանխատեսումը՝ 2:1:

«Արսենալ» 2-0 «Չելսի» (տեսանյութ)

19.01.2019, 23:25

«Արսենալ» 2-0 «Չելսի» (տեսանյութ)

Պրեմիեր Լիգայի 23-րդ տուրի կենտրոնական հանդիպումը կայացավ «Էմիրեյթս» մարզադաշտում, ուր «Արսենալը» հյուրընկալել էր «Չելսիին»։

կարդալ...

Մանչեսթեր Յունայթեդ 2-1 Բրայթոն (տեսանյութ)

19.01.2019, 21:14

Մանչեսթեր Յունայթեդ 2-1 Բրայթոն (տեսանյութ)

Պրեմիեր Լիգայի 23-րդ տուրում Մանչեսթեր Յունայթեդի մրցակիցը 13-րդ հորիզոնականում գտնվող Բրայթոն ընդ Հոուվ Ալբիոնն էր։

կարդալ...