• Արսենալ
  • Բերնլի
  • Բորնմուտ
  • Բրայթոն ընդ Հոուվ Ալբիոն
  • Էվերթոն
  • Լեսթեր Սիթի
  • Լիվերպուլ
  • Կրիստալ Փելես
  • Հադերսֆիլդ Թաուն
  • Մանչեսթեր Յունայթեդ
  • Մանչեսթեր Սիթի
  • Նյուքասլ Յունայթեդ
  • Ուոթֆորդ
  • Չելսի
  • Սաութհեմպտոն
  • Սուոնսի Սիթի
  • Ստոկ Սիթի
  • Վեստ Բրոմվիչ Ալբիոն
  • Վեստ Հեմ Յունայթեդ
  • Տոտտենհեմ Հոտսպուր

    Նորություններ

    Պրեմիեր Լիգայի 2-րդ տուրին ընդառաջ

    14.08.2015, 21:11

    PLՊրեմիեր Լիգայի 2-րդ տուրից առաջ փորձենք հասկանալ, թե ի՞նչ ինտրիգներ են մեզ սպասվում այդ խաղերում:

     

    «Աստոն Վիլլա» - «Մանչեսթեր Յունայթեդ», 14.08.15 22:45, «Վիլլա Պարկ»

     

    Պրեմիեր Լիգայի 2015-2016 մրցաշրջանի երկրորդ տուրը մեկնարկում է այս հանդիպումով: Բավականին հետաքրքիր խաղ է մեզ սպասվում, քանի որ երկու թիմերի կազմերում էլ կան մեծ թվով նորեկներ: Երկու թիմերն էլ հաղթել են 1-ին տուրում` նույն 1:0 հաշվով, «Աստոն Վիլլան»` «Բորնմուտին», իսկ «Մանչեսթեր Յունայթեդը»` «Տոտտենհեմին»: Այս խաղի հետ կապված ամենահետաքրքիր նորությունն այն է, որ Դավիդ Դե Խեան արդեն երկրորդ խաղն անընդմեջ չի հայտվում թիմի հայտացուցակում: Այդպիսի որոշում է կայացրել Լուի վան Գալը: Կանխատեսում ենք բաց և հարձակողական ֆուտբոլ: Թիմ Շերվուդն այնքան էլ պաշտպանողական ֆուտբոլի կողմնակից չէ:

     

    Կանխատեսում` Երկու թիմերն էլ գոլ կխփեն, բայց կհաղթի «Մանչեսթեր Յունայթեդը»:

     

    «Սաութհեմպտոն» - «Էվերթոն», 15.08.15 15:45, «Սեյնթ Մերիս»

     

    Նախորդ տուրում այս երկու թիմերն էլ իրենց խաղերն ավարտել են միևնույն 2:2 հաշվով: Դեռևս հարցականի տակ է «Սաութհեմպտոնի» նորեկ Յորդի Կլասիի մասնակցությունը: Ի տարբերություն «Էվերթոնի», «Սաութհեմպտոնի» խաղն առաջին տուրում ավելի տպավորիչ էր:

     

    Կանխատեսում` «Սաութհեմպտոնի» հաղթանակ։

     

    «Սանդերլենդ» - «Նորվիչ Սիթի», 15.08.15 18:00, «Ստեթիում օֆ Լայթ»

     

    Նախորդ տուրի անհաջողակները: Երկու թիմերն էլ պարտվեցին իրենց խաղերում` մրցակիցներին զիջելով երկու գնդակի առավելությամբ: Եթե հաշվի առնենք, որ «Նորվիչի» գլխավոր մարզիչ Ալեքս Նիլի համար դա ինչ որ տեղ ընդունելի է (Ալեքս Նիլը համարվում է Պրեմիեր Լիգայի ամենաերիտասարդ գլխավոր մարզիչը` 34 տարեկան), ապա փորձառու Դիկ Ադվոկատի համար խաղի այդպիսի ելքն ուղղակի աններելի է:

     

    Կանխատեսում` «Սանդերլենդի» հաղթանակ:

     

    «Սուոնսի» - «Նյուքասլ», 15.08.15 18:00, «Լիբերթի Ստեդիում»

     

    Այս երկու թիմերը ևս նախորդ տուրում գոլառատ հանդիպումներ անցկացրին: Հատկանշական է այն հանգամանքը, որ թե՛ «Սուոնսիի», և թե՛ «Նյուքասլի» աստղային նորեկներ Անդրե Այուն և Ջորջինո Վեյնալդումը դարձան գոլի հեղինակ: Հետաքրքիր կլինի նաև հետևել «Նյուքասլի» նորանշանակ գլխավոր մարզիչ Սթիվ Մակլարենի աշխատանքին:

     

    Կանխատեսում` «Սուոնսին» չի պարտվի։

     

    «Տոտտենհեմ» - «Ստոկ Սիթի», 15.08.15 18:00, «Ուայթ Հարթ Լեյն»

     

    Նորից նույն հաշվով պարտություններ նախորդ տուրում: Բայց համեմատած «Տոտտենհեմի», «Ստոկ Սիթին» ավելի գեղեցիկ, հետաքրքիր և դիտարժան խաղ ցուցադրեց: Բացի դրանից թիմը պատմության մեջ ռեկորդային գումարով գնեց Ջերդան Շաքիրիին:

     

    Կանխատեսում` «Ստոկ Սիթիի» հաղթանակ։

     

    «Ուոթֆորդ» - «Վեստ Բրոմվիչ», 15.08.15 18:00, «Վիկարիջ Ռոուդ»

     

    Նորեկների մեջ ամենալավ տպավորությունը թողեց «Ուոթֆորդը»: Խաղալով մրցակցի հարկի տակ՝ կարողացավ «Էվերթոնից» միավորներ խլել: Խաղն ավարտվեց 2:2 հաշվով:

     

    «Վեստ Բրոմվիչը» ձախողվեց նախորդ տուրում, բայց այս թիմի երկրպագուներն ունեն ուրախանալու պատճառ` թիմը ռեկորդային գումարով գնեց Սալոմոն Ռոնդոնին և այս խաղից սկսված վենեսուելացի հարձակվողը կկարողանա օգնել իր նոր թիմին:

     

    Կանխատեսում` «Վեստ Բրոմվիչ» հաղթանակ։

     

    «Վեստ Հեմ» - «Լեսթեր Սիթի», 15.08.15 18:00 ,«Ապտոն Պարկ»

     

    Կլաուդիո Ռանիերիի վերադարձը Պրեմիեր Լիգա նշանավորվեց «Լեսթերի» հաղթանակով: Թիմը խաղում էր այնպես, կարծես նախորդ մրցաշրջանը չէր վերջացել, իսկ իրենք էլ պայքարում էին առաջնությունում մնալու համար:

     

    Առաջին տուրում Սլավեն Բիլիչի թիմի խաղին արդեն անդրադարձել ենք։

     

    Այս դիմակայությունում կա ևս մի հետաքրքություն: Ռանիերին անցած խաղից հետո հայտնել էր, որ իր ֆուտբոլիստներին մինչև խաղադաշտ մտնելը` հրահանգել է լսել Կասաբիան ռոք խմբի երգերը: Եվ հենց դա է եղել պատճառը, որ թիմն այդպիսի աշխույժ և գեղեցիկ խաղ է ցուցադրել: Սլավեն Բիլիչը նույնպես մեկնաբանել է սա, և ասել որ, եթե այդ երգերը մոտիվացնում են ֆուտբոլիստներին, ապա ինքը կգնի նրանց բոլոր ալբոմները:

     

    Կանխատեսում` մարտական ոչ-ոքի։

     

    «Կրիստալ Փելես» - «Արսենալ», 16.08.15 16:30, «Սելհարսթ Պարկ»

     

    Լոնդոնյան դերբի: Արսեն Վենգերի թիմը վատ խաղ անցկացրեց նախորդ տուրում, որին անդրադարձել ենք, իսկ ահա «Կրիստալ Փելեսը» մրցակցի հարկի տակ 3:1 հաշվով հաղթեց առաջնության նորեկ «Նորվիչին»: Ալան Պարդյուն կարողացել է ստեղծել մի թիմ, որն իր խաղով մեծ դժվարություններ է առաջացնում գրանդ ակումբների համար: Եվ եթե համեմատենք այս երկու թիմերին, ապա «Կրիստալ Փելեսի» ֆուտբոլիստները հոգեբանորեն ավելի լավ վիճակում են: Սրան գումարենք սեփական դաշտում խաղալու գործոնը, ստացվում է որ, Արսեն Վենգերը լուրջ անհանգստանալու առիթ ունի:

     

    Կանխատեսում` «Կրիստալ Փելեսը» չի պարտվի։

     

    «Մանչեսթեր Սիթի» - «Չելսի», 16.08.15 19:00, «Էթիհադ»

     

    Անկասկած տուրի կենտրոնական հանդիպումն է: Շատերը կարծում են, որ հենց այս երկու ակումբներն միմյանց միջև կվիճարկեն Պրեմիեր Լիգայի չեմպիոնի կոչումը: «Մանչեսթեր Սիթին» մրցաշրջանը մեկնարկեց վստահ հաղթանակով` 3:0 հաշվով հաղթելով «Վեստ Բրոմվիչին»: Գոլերի հեղինակ դարձան Յայա Տուրեն (2), և Վենսան Կոմպանին: Եվ հատկանշական է հենց այս երկու ֆուտբոլիստների այսպիսի խաղը, քանի որ նրանց գործողություններից է կախված թիմի արդյունավետ խաղը: Նախորդ մրցաշրջանում այս երկու ֆուտբոլիստները չցուցադրեցին իրենց հնարավորությունների մաքսիմումը, որն էլ պատճառ դարձավ թիմի ձախողումներին: Դեռևս հայտնի չէ՝ արդյո՞ք խաղը մեկնարկային րոպեներից կսկսի Սերխիո Ագուերոն թե՞ ոչ, բայց ամեն դեպքում նա լիովին առողջ է:

     

    Իսկ ահա «Չելսիի» շուրջ արդեն իսկ լուրջ սկանդալ է հասունացել: Նախորդ տուրում թիմը ոչ-ոքի խաղաց «Սուոնսիի» հետ: Բացի դրանից այդ խաղում կարմիր քարտ ստացած Տիբո Կուրտուայի որակազրկումը մնաց ուժի մեջ, քանի որ Անգլիայի Ֆուտբոլի ասոցիացիան չբավարարեց «Չելսիի» հայցը` որակազրկումը չեղյալ համարելու վերաբերյալ: Բնականաբար Մանուել Պելլեգրինիի թիմն ավելի վստահ է մոտենում այս խաղին:

     

    Կանխատեսում` ոչ-ոքի։

     

    «Լիվերպուլ» - «Բորնմուտ», 17.08.15 23:00, «Էնֆիլդ Ռոուդ»

     

    Նախորդ տուրում` «Սթոկ Սիթիի» հետ արտագնա խաղում հաղթելով նվազագույն 1:0 հաշվով, Բրենդան Ռոջերսի թիմը վստահություն ձեռք բերեց երկրպագուների մոտ: Շատ լավ տպավորություն թողեցին թիմի նորեկներ Քրիստիան Բենտեկեն, Նաթանիել Կլայնը, Ջո Գոմեսը, Ռոբերտո Ֆիմինոն և Ջեյմս Միլները: Բայց դեռևս պակասում է առջևի գծում ֆուտբոլիստների համագործակցությունը: Այս խաղում ավելի լավ կերևա «Լիվերպուլի» հարձակման գծի իրական պոտենցիալը:

     

    Կանխատեսում` Լիվերպուլը կհաղթի չոր հաշվով։

    Վերլուծության հեղինակ՝ Միրո Ալեքսանյան։

    Չեմպիոնների Լիգայի վիճակահանություն

    11.12.2017, 15:45

    Չեմպիոնների Լիգայի վիճակահանություն

    Նիոնում կայացած Չեմպիոնների Լիգայի վիճակահանության արդյունքում անգլիական թիմերն իմացան իրենց մրցակիցներին։

    կարդալ...

    «Մանչեսթեր Յունայթեդ» 1-2 «Մանչեսթեր Սիթի» (տեսանյութ)

    10.12.2017, 22:29

    «Մանչեսթեր Յունայթեդ» 1-2 «Մանչեսթեր Սիթի» (տեսանյութ)

    Պրեմիեր Լիգայի 16-րդ տուրի կենտրոնական հանդիպումներից երկրորդը կայացավ «Օլդ Թրաֆորդ» մարզադաշտում, ուր միմյանց էին հանդիպել Մանչեսթեր քաղաքը ներկայացնող «Յունայթեդը» և «Սիթին»։

    կարդալ...