• Արսենալ
  • Բերնլի
  • Բորնմուտ
  • Բրայթոն ընդ Հոուվ Ալբիոն
  • Էվերթոն
  • Լեսթեր Սիթի
  • Լիվերպուլ
  • Կրիստալ Փելես
  • Հադերսֆիլդ Թաուն
  • Մանչեսթեր Յունայթեդ
  • Մանչեսթեր Սիթի
  • Նյուքասլ Յունայթեդ
  • Ուոթֆորդ
  • Չելսի
  • Սաութհեմպտոն
  • Սուոնսի Սիթի
  • Ստոկ Սիթի
  • Վեստ Բրոմվիչ Ալբիոն
  • Վեստ Հեմ Յունայթեդ
  • Տոտտենհեմ Հոտսպուր

    Մոտակա հանդիպումը

    16 դեկտեմբեր 2017, 16:30

    Նորություններ

    Պրեմիեր Լիգայի 5-րդ տուրին ընդառաջ

    11.09.2015, 23:24

    P-LՍեպտեմբերի 12-ին կմեկնարկի Պրեմիեր Լիգայի 5-րդ տուրը, որը կանցնի երկու օր։ 7 հանդիպում կկայանա շաբաթ օրը, երկուսը՝ կիրակի, մեկը՝ երկուշաբթի: Ձեզ ենք ներկայացնում 5-րդ տուրի անոնսը:

     

    «Էվերթոն» - «Չելսի» 12.09.15 15:45

     

    Այս երկու թիմերի միջև պայքարը տրանսֆերային պատուհանում ավարտվեց «Էվերթոնի» հաղթանակով: Ռոբերտո Մարտինեսը կարողացավ թիմում պահել երիտասարդ կենտրոնական պաշտպան Ջոն Սթոունսին` չնայած «Չելսիի» կողմից եղած 4 պաշտոնական առաջարկներին: Անկասկած սա շատ կարևոր է «Էվերթոնի» համար: «Չելսին» այս մրցաշրջանի սկիզբը տապալեց: Նախորդ տուրում սեփական հարկի տակ պարտվելով «Կրիստալ Պելասին»՝ գործող չեմպիոնները հայտնվեցին ծանր իրավիճակում: Բայց Ժոզե Մոուրինյոն տխրելու ավելի մեծ պատճառ ունի, քանի որ թիմի հիմնական դարպասապահ Տիբո Կուրտուան վնասվածք է ստացել և վիրահատության կարիք ունի: Նախնական տվյալներով բելգիացին բաց կթողնի մոտավորապես 10 շաբաթ:

     

    Մեր խանխատեսումը՝ 2-2

     

    «Արսենալ» - «Ստոկ Սիթի» 12.09.15 18:00

     

    «Արսենալը» նախորդ տուրում դժվարին հաղթանակ տարավ «Նյուքասլի» նկատմամբ, չնայած նրան, որ ժամանակի մեծ մասում ուներ թվային առավելություն մրցակցի նկատմամբ: «Արսենալը» շատ տարօրինակ տրանսֆերային քաղաքականություն վարեց: Լոնդոնյան ակումբը եվրոպական թոփ-5 առաջնություններում միակ թիմն է, որն այս տրանսֆերային պատուհանի ընթացքում ձեռք է բերել միայն դարպասապահի: Բայց ակնհայտ էր, որ թիմն ունի ամենաքիչը 1 հարձակվողի կարիք:

     

    Այս մրցաշրջանից առաջ «Ստոկ Սիթիից» շատ մեծ էին սպասելիքները: Բայց Մարկ Հյուզի թիմն անհասկանալիորեն ձախողեց մրցաշրջանի մեկնարկը: Իսկ այս տուրի խաղում իրենց թիմին տարբեր պատճառներով չեն կարողանա օգնել Իբրահիմ Աֆելայը, Ռայան Շոուքրոսը և Չարլի Ադամը: Հարցականի տակ են հետևյալ ֆուտբոլիստների մասնակցությունն այս խաղին` Մարկո Արնաուտովիչ, Մամե Բիրամ Դիուֆ, Գլեն Ջոնսոն, Պիտեր Օդեմվինգե: Կարելի է ասել գրեթե մի ամբողջ կազմ շարքից դուրս է մնացել:

     

    Մեր կանխատեսումը՝ 2-0

     

    «Կրիստալ Փելես» - «Մանչեսթեր Սիթի» 12.09.15 18:00

     

    «Քաղաքայիններն» այս մրցաշրջանում շատ լավ են մեկնարկել: Թիմը 4 խաղից հետո ունի նույնքան հաղթանակ: Հիմա էլ Ագուրեոյին, Սիլվային, Ստերլինգին միացել է բելգիացի երիտասարդ տաղանդ Կևին Դե Բրյույնեն: Այսպիսի հարձակման գիծը կարող է սարսափեցնել նույնիսկ ամենալավ պաշտպանությանը:

     

    Ալան Պարդյուի սաները նախորդ տուրում արժանի հաղթանակ տարան «Չելսիի» նկատմամբ: Իսկ եթե նայենք վիճակագրությանը, ապա ըստ դրա թիմը շատ ավելի լավ է հանդես գալիս արտագնա խաղերում: Ամեն դեպքում «Կրիստալ Փելեսն» ի զորու է կանգնեցնել «Մանչեսթեր Սիթիին»:

     

    Մեր կանխատեսումը՝ 1-2

     

    «Նորվիչ» - «Բորնմուտ» 12.09.15 18:00

     

    «Նորվիչը» նախորդ տուրում մրցակցի հարկի տակ խոշոր հաշվով պարտվեց «Սաութհեմպտոնին»: Ալեքս Նիլի սաներն այս մրցաշրջանում շատ անկայուն խաղ են ցուցադրում: Ի տարբերություն «Նորվիչի», «Բորնմուտը» շարունակում է զարմացնել բոլորին: Անցած խաղում թիմը ոչ-ոքի խաղաց «Լեսթերի» հետ: Բայց Էդի Հաուիի երջանկությունը կարճ տևեց: Թիմի կազմից երկար ժամանակով դուրս են մնացել երկու առանցքային ֆուտբոլիստներ` հարձակվող Մաքս-Ալեն Գրադելը և պաշտպան Տայրոն Մինգզը:

     

    Մեր կանխատեսումը՝ 1-2

     

    «Ուոթֆորդ» - «Սուոնսի Սիթի» 12.09.15 18:00

     

    «Ուոթֆորդի» ֆուտբոլիստները երեք հանդիպում անընդմեջ չեն կարողանում գրավել մրցակցի դարպասը, բայց միևնույն ժամանակ 4 խաղից հետո ունեն վաստակած 3 միավոր: «Սուոնսին» նախորդ տուրում կամային հաղթանակ տարավ «Մանչեսթեր Յունայթեդի» նկատմամբ: Գարի Մոնկի սաները հիանալի մրցաշրջան են անցկացնում: Գերազանց մարզավիճակում են Բաֆետիմբի Գոմիսն ու Անդրե Այուն:

     

    Մեր կանխատեսումը՝ 0-1

     

    «Վեստ Բրոմվիչ» - «Սաութհեմպտոն» 12.09.15 18:00

     

    «Վեստ Բրոմվիչը» ևս շատ անկայուն մրցաշրջան է անցկացնում: Թիմը կարողանում է «Չելսիին» երկու գնդակ խփել, իսկ «Ստոկ Սիթիի» հետ նախորդ տուրի խաղում մեծ դժվարությամբ կարողացավ հասնել հաղթանակի 1:0 հաշվով: Ընդ որում, այդ խաղում «Ստոկը» ժամանակի մեծ մասն անցկացրեց 9 ֆուտբոլիստներով:

     

    Ռոնալդ Կումանի «Սաութհեմպտոնը» դուրս մնալով Եվրոպա Լիգայից՝ բոլոր ուժերը կենտրոնացրեց Պրեմիեր Լիգայի վրա: Դրա վառ ապացույցն էր նախորդ տուրում խոշոր հաղթանակն «Ուոթֆորդի» նկատմամբ: Դեռևս հարցականի տակ է Յորդի Կլասիի և Ռայան Բերտրանի մասնակցությունը այս խաղին:

     

    Մեր կանխատեսումը՝ 0-0

     

    «Մանչեսթեր Յունայթեդ» - «Լիվերպուլ» 12.09.15 20:30

     

    Ուրախանալու առիթ «Մանչեսթեր Յունայթեդի» երկրպագուների համար: Դավիդ Դե Խեան նոր պայմանագիր է ստորագրել ակումբի հետ: «Լիվերպուլին» այս խաղում որակազրկման պատճառով չի կարող օգնել Ֆելիպե Կոուտինյոն: Խաղի առանձին անոնսն՝ այստեղ։

     

    «Սանդերլենդ» - «Տոտտենհեմ» 13.09.15 16:30

     

    Շատ մասնագետների կարծիքով այս մրցաշրջանում առաջինն իր պաշտոնից կզրկվի «Սանդերլենդի» գլխավոր մարզիչ Դիկ Ադվոկատը: Բայց թիմը խաղի առումով այդքան էլ վատ վիճակում չէ: 4 խաղ` 2 ոչ-ոքի և 2 պարտություն: Բոլոր 4 խաղերում թիմը դարձել է գոլի հեղինակ: Այս տուրում վնասվածքի պատճառով իր թիմին չի կարող օգնել Ադամ Ջոնսոնը:

     

    «Տոտտենհեմը» լուրջ կադրային կորուստ ունի: Վնասվածքի պատճառով իրենց թիմին չեն կարողանա օգնել Քրիստիան Էրիկսենն ու Մուսա Դեմբելեն: Մաուրիսիո Պոչետինոյի սաներն անցկացրած 4 խաղերում դեռևս ոչ մի հաղթանակ չեն տոնել: Թիմի հայտացուցակում է հայտնվել նորեկ Սոն Հին Մինը:

     

    Մեր կանխատեսումը՝ 1-2

     

    «Լեսթեր Սիթի» - «Աստոն Վիլլա» 13.09.15 19:00

     

    Կլաուդիո Ռանիերիի գալուց ի վեր «Լեսթերը» ֆենոմենալ արդյունքներ է գրանցում: 4 խաղից հետո ունենալով 8 միավոր թիմը նընթանում է մրցաշարային աղյուսակի 3-րդ հորիզոնականում: «Աստոն Վիլլային» չհաջողվեց տրանսֆերային պատուհանի վերջին օրը ձեռք բերել Էմանուել Ադեբայորին: Իսկ սա նշանակում է, որ Թիմ Շերվուդի հույսը Ռուդի Ժեստեդն է: Բայց հնարավոր են նաև կադրային կորուստներ: Հարցականի տակ են Ադամա Տրաորեի, Ջեք Գրիլիշի, Իդրիս Գուեյեի մասնակցությունն այս խաղին:

     

    Մեր կանխատեսումը՝ 2-0

     

    «Վեստ Հեմ» - «Նյուքասլ» 14.09.15 23:00

     

    «Վեստ Հեմն» ամենաանկանխատեսելի ակումբն է Պրեմիեր Լիգայի այս մրցաշրջանում: Նախորդ տուրում Սլավեն Բիլիչի սաներն անսպասելիորեն խոշոր հաշվով հաղթեցին «Լիվերպուլին», այն էլ «Էնֆիլդում»: Դեռևս որակազրկված է թիմի հիմնական դարպասապահ Ադրիանը: Ալեքս Սոնգը, Էններ Վալենսիան և Էնդի Քերրոլը շարունակում են ապաքինվել վնասվածքներից: «Նյուքասլը» նախորդ տուրում սեփական հարկի տակ պարտվեց «Արսենալին»: Այդ խաղում դաշտից հեռացվեց «Նյուքասլի» հարձակվող Ալեքսանդր Միտրովիչը: Սա ևս գլխացավանք է Սթիվ Մակլարենի համար: Բայց կա նաև դրական նորություն: Վերջին երկու խաղերում իրեն շատ լավ է դրսևորում «Նյուքասլի» նորեկ Ֆլորիան Տովենը, իսկ Պապիս Սիսսեն աստիճանաբար մարզավիճակ է ձեռք բերում:

     

    Մեր կանխատեսումը՝ 3-2

    Վերլուծությունը՝ Միրո Ալեքսանյանի

    «Հադերսֆիլդ» 1-3 «Չելսի» (տեսանյութ)

    13.12.2017, 10:35

    «Հադերսֆիլդ» 1-3 «Չելսի» (տեսանյութ)

    Պրեմիեր Լիգայի 17-րդ տուրում «Չելսին» հյուրընկալվել էր 12-րդ հորիզոնականը զբաղեցնող «Հադերսֆիլդ Թաունին»։

    կարդալ...

    Չեմպիոնների Լիգայի վիճակահանություն

    11.12.2017, 15:45

    Չեմպիոնների Լիգայի վիճակահանություն

    Նիոնում կայացած Չեմպիոնների Լիգայի վիճակահանության արդյունքում անգլիական թիմերն իմացան իրենց մրցակիցներին։

    կարդալ...