• Արսենալ
  • Բերնլի
  • Բորնմուտ
  • Բրայթոն ընդ Հոուվ Ալբիոն
  • Էվերթոն
  • Լեսթեր Սիթի
  • Լիվերպուլ
  • Կրիստալ Փելես
  • Հադերսֆիլդ Թաուն
  • Մանչեսթեր Յունայթեդ
  • Մանչեսթեր Սիթի
  • Նյուքասլ Յունայթեդ
  • Ուոթֆորդ
  • Չելսի
  • Սաութհեմպտոն
  • Սուոնսի Սիթի
  • Ստոկ Սիթի
  • Վեստ Բրոմվիչ Ալբիոն
  • Վեստ Հեմ Յունայթեդ
  • Տոտտենհեմ Հոտսպուր

    Նորություններ

    Պրեմիեր Լիգայի 7-րդ տուրին ընդառաջ

    26.09.2015, 10:22

    KaneՍեպտեմբերի 26-ին կմեկնարկի Պրեմիեր Լիգայի 7-րդ տուրը: Առաջին խաղային օրը տեղի կունենան 8 հանդիպումներ, մեկական հանդիպումներ էլ կլինեն կիրակի և երկուշաբթի օրերին: Ձեզ ենք ներկայացնում տվյալ խաղերի վերաբերյալ կազմված անոնսն ու մեր կանխատեսումները:

     

    Մինչ անոնսին անցնելը կցանկանայի, որ ուշադրություն դարձնեիք ստորև ներկայացված նկարին: Այս շաբաթվա ընթացքում Անգլիայում անցկացվեցին գավաթային հանդիպումներ, որոնց բնականաբար մասնակցում էին նաև Պրեմիեր Լիգան ներկայացնող թիմերը: Նկարում ցուցադրված է, թե մասնակից թիմերն ի՞նչ քանակի փոփոխություններ են կատարել մեկնարկային կազմում` համեմատած իրենց վերջին խաղերի: Ինչպես տեսնում եք Պրեմիեր Լիգան ներկայացնող թիմերից ամենաշատը մեկնարկային կազմում փոփոխություն է կատարել «Արսենալը» (10), իսկ ամենաքիչը՝ «Վեստ Հեմը» (3):

    PL

     

    «Տոտտենհեմ» - «Մանչեսթեր Սիթի», 26.09.15, 15:45

     

    «Տոտտենհեմը» նախորդ տուրում դժվարին հաղթանակ տարավ «Կրիստալ Փելասի» նկատմամբ: Բավականին լավ տպավորություն է թողնում թիմի նորեկ Սոն Հին Մինը: Կարծես թե Քրիստիան Էրիկսենն էլ սկսում է վերադառնալ իր նախկին լավ մարզավիճակին: Նաբիլ Բենտալեբը չի մասնակցի խաղին, իսկ Մեյսոնի մասնակցությունը հարցականի տակ է:

     

    «Մանչեսթեր Սիթին» վերջին անհաջողություններից հետո կարողացավ գավաթային խաղում հաղթել «Սանդերլենդին»: Հիանալի ներգրավվել է թիմի խաղի մեջ Կևին դե Բրյույնեն: Այս խաղում թիմի հայտացուցակից դուրս են մնացել Դելֆն ու Կլիշին, իսկ Կոմպանիի մասնակցությունը հարցականի տակ է:

     

    Մեր կանխատեսումը՝ 1-2

     

    «Լեսթեր» - «Արսենալ», 26.09.15, 18:00

     

    «Լեսթերը» նախորդ տուրում ևս մեկ քամբեք հեղինակեց: Ռանիերիի թիմը գերազանց մարզավիճակում է: Միակ բացասական հանգամանքն այն է, որ թիմն անցկացրած բոլոր 6 խաղերում գոնե 1 գնդակ բաց է թողել սեփական դարպասը: Այս խաղում իր թիմին չի կարողանա օգնել Նաթան Դայերը:

     

    «Արսենալը» նախորդ տուրում պարտվեց «Չելսիին»: Ընդհանուր առմամբ թիմը այնքան էլ լավ խաղ չի ցուցադրում: Կարգապահության առումով Վենգերը դժգոհելու առիթ ունի, քանի որ «Արսենալի» ֆուտբոլիստները վերջին 2 խաղերում 3 կարմիր քարտ են ստացել:
    Մերտեզակերի և Կոկլենի մասնակցությունն այս խաղին դեռևս հարցականի տակ է:

     

    Մեր կանխատեսումը՝ 1-1

     

    «Լիվերպուլ» - «Աստոն Վիլլա», 26.09.15, 18:00

     

    «Լիվերպուլը» նախորդ տուրում անսպասելի կերպով ձեռքից բաց թողեց հաղթանակը` «Նորվիչի» դեմ խաղում: Իսկ հիմա կան խոսակցություններ, որ Բրենդան Ռոջերսի համար առաջիկա մեկ շաբաթը որոշիչ է լինելու: Ուրախանալու առիթ ունեն երկրպագուները, քանի որ Դանիել Սթարիջը լիովին ապաքինվել է վնասվածքից և փորձում է վերականգնել իր երբեմնի մարզավիճակը: Քրիստիան Բենտեկեն և Ջորդան Հենդերսոնը չեն մասնակցի այս խաղին` վնասվածքի պատճառով:
    «Աստոն Վիլլան» մրցաշրջանն անհաջող սկսեց, բայց հիմա կարծես թե ամեն ինչ կարգավորվում է: Թիմը հաղթեց գավաթային խաղում և կշարունակի պայքարը հաջորդ փուլում: Այս խաղում հարցականի տակ են Ադամա Տրաորեի և Իդրիս Գեյեի մասնակցությունը:

     

    Մեր կանխատեսումը՝ 1-1

     

    «Մանչեսթեր Յունայթեդ» - «Սանդերլենդ», 26.09.15, 18:00

     

    «Մանչեսթեր Յունայթեդը» դանդաղ, բայց վստահ քայլերով առաջ է շարժվում: Թիմում իրեն հիանալի է դրսևորում երիտասարդ Անտոնի Մարսյալը, ով գոլի հեղինակ դարձավ նաև գավաթային խաղում: Բացի Լյուկ Շոուից, վնասվածք ունի նաև Մարկոս Ռոխոն, իսկ սա արդեն լուրջ խնդիր է Լուի վան Գաալի համար:

     

    «Սանդերլենդը» պարզապես անհասկանալի արդյունքներ է գրանցում: Շատ անհաջող կերպով մեկնարկելուց հետո, շատ են խոսակցությունները, որ Դիկ Ադվոկատին շուտով կհեռացնեն զբաղեցրած պաշտոնից: Այս խոսակցություններն ավելի սրվեցին, երբ թիմը գավաթային խաղում խոշոր հաշվով պարտվեց «Մանչեսթեր Սիթիին», այն էլ սեփական հարկի տակ:

     

    Մեր կանխատեսումը՝ 3-0

     

    «Սաութհեմպտոն» - «Սուոնսի», 26.09.15, 18:00

     

    «Սաութհեմպտոնը» նախորդ տուրում սեփական հարկի տակ պարտվեց «Մանչեսթեր Յունայթեդին»: Բայց պետք է նշել, որ բավականին լավ հանդիպում անցկացրեցին Ռոնալդ Կումանի ֆուտբոլիստները: Գերազանց մարզավիճակում է գտնվում Գրացիանո Պելլեն: Դեռևս վնասվածքից չեն ապաքինվել Ռայան Բերտրանը և Յորդի Կլասին: «Սուոնսին» շատ լավ է մեկնարկել այս մրցաշրջանում: Գերազանց մարզավիճակում են գտնվում Բաֆետիմբի Գոմիսը, Անդրե Այուն և Էշլի Ուիլյամսը:

     

    Մեր կանխատեսումը՝ 2-1

     

    «Ստոկ Սիթի» - «Բորնմուտ», 26.09.15, 18:00

     

    «Ստոկը» նախորդ տուրում շատ մոտ էր այս մրցաշրջանում իր առաջին հաղթանակին, բայց «Լեսթերի» քամբեքը փչացրեց նրանց տրամադրությունը: Անհասկանալի է «Ստոկի» ցուցադրած անբավարար արդյունքների իրական պատճառը: Թիմը բավականին լավ և մարտունակ կազմ ունի, բայց ինչ որ բան այն չէ: Գավաթային խաղում տարած հաղթանակը հնարավոր է վստահություն հաղորդի Մարկ Հյուզի ֆուտբոլիստներին: Դեռևս հարցականի տակ է Մամե Բիրամ Դիուֆի մասնակցությունն այս խաղին: Նախորդ տուրում «Բորնմուտն» իր պատմության մեջ առաջին տնային հաղթանակը տոնեց Պրեմիեր Լիգայում: Ֆիթնես-թեստը դրական հանձնելուց հետո հնարավոր է՝ այս խաղին կարողանա մասնակցել թիմի առանցքային ֆուտբոլիստներից մեկը` Տոմի Էլֆիկը:

     

    Մեր կանխատեսումը՝ 0-1

     

    «Վեստ Հեմ» - «Նորվիչ», 26.09.15, 18:00

     

    «Վեստ Հեմը» նախորդ տուրում անակնկալ կերպով հաղթեց «Մանչեսթեր Սիթիին»: Սլավեն Բիլիչի թիմը ֆենոմենալ արդյունքներ է գրանցում այս մրցաշրջանում: Միակ բացասական հանգամանքն այն է, որ թիմի խաղը շատ անկայուն է: Այս խաղին հարցականի տակ է Շեյխու Կույատեի և Կարլ Ջենկինսոնի մասնակցությունը: «Նորվիչը» նախորդ տուրում կարողացավ ոչ-ոքի խաղալ «Լիվերպուլի» հետ: Ալեքս Նիլի թիմը չնայած իր համեստ հնարավորություններին, կարողանում է դրական արդյունքներ գրանցել:

     

    Մեր կանխատեսումը՝ 2-0

     

    «Նյուքասլ» - «Չելսի», 26.09.15, 20:30

     

    Վերջին 5 խաղերում «Չելսին» չի կարողանում հաղթահարել «Նյուքասլի» արգելքը: Այս անգամ իրավիճակը մի փոքր այլ է: Չնայած մրցաշրջանի սկզբում եղած անհաջողություններին, թիմը հիմա լավ մարզավիճակում է գտնվում և անկասկած կփորձի անել հնարավոր ամեն ինչ այս խաղում հաջողության հասնելու համար:

     

    «Նյուքասլը» ևս այն թիմերից է, որն անհաջող է մեկնարկել այս մրցաշրջանում: Սթիվ Մակլարենի թիմն ունի անհրաժեշտ ամեն ինչ լավ հանդես գալու համար, բայց արդյունքները չեն տպավորում: «Նյուքասլը» նախորդ տուրում սեփական հարկի տակ պարտվեց «Ուոթֆորդին»՝ 1:2 հաշվով: Միգուցե Մակլարենին ժամանակ է հարկավոր նոր թիմ կառուցելու համար:

     

    Մեր կանխատեսումը՝ 1-2

     

    «Ուոթֆորդ» - «Կրիստալ Փելես» 27.09.15 19:00

     

    «Ուոթֆորդն» ինչպես արդեն նշեցի հաղթել է «Նյուքասլին»: Կիկե Սանչես Ֆլորեսի թիմը վստահ քայլերով առաջ է շարժվում: Ունենալով բավականին լավ և մարտունակ կազմ` «Ուոթֆորդը» կարող է լուրջ խնդիրներ ստեղծել նույնիսկ գրանդ ակումբների համար: «Կրիստալ Փելասը» նախորդ տուրում պարտվեց «Տոտենհեմին», բայց խաղային առումով լավ հանդես եկավ: Ալան Պարդյուն այս խաղում չի կարողանա օգտվել Ջոել Ուորդի և Մարուան Շամախի ծառայություններից, իսկ Սքոտ Դանի մասնակցությունը հարցականի տակ է:

     

    Մեր կանխատեսումը՝ 0-0

     

    «Վեստ Բրոմվիչ» - «Էվերթոն», 28.09.15, 23:00

     

    «Վեստ Բրոմվիչը» նույնպես անհաջող մեկնարկելով այս մրցաշրջանում՝ վերջապես կարողացավ հավաքվել և նախորդ տուրում մրցակցի հարկի տակ հաղթեց «Աստոն Վիլլային»: Թիմի խաղի մեջ շատ լավ է ընդգրկվել վենեսուելացի հարձակվող Սալոմոն Ռոնդոնը: «Էվերթոնը» նախորդ տուրում գոլազուրկ ոչ-ոքի խաղաց «Սուոնսիի» հետ, բայց լավ հանդիպում անցկացրեց: Միակ բացասական դրվագը այդ խաղում եղավ Միրալյասի կարմիր քարտը: Բելգիացին 92 -րդ րոպեին դուրս եկավ խաղադաշտ և 2 րոպե անց վաստակեց անմիտ հեռացում:

     

    Մեր կանխատեսումը՝ 0-1

    Վերլուծությունը՝ Միրո Ալեքսանյանի

    «Ուոթֆորդ» 2-1 «Արսենալ» (տեսանյութ)

    14.10.2017, 22:34

    «Ուոթֆորդ» 2-1 «Արսենալ» (տեսանյութ)

    Պրեմիեր Լիգայի 8-րդ տուրում «Արսենալը» հյուրընկալվել էր 8-րդ հորիզոնականում գտնվող «Ուոթֆորդին»։

    կարդալ...

    «Տոտտենհեմ» 1-0 «Բորնմուտ» (տեսանյութ)

    14.10.2017, 20:05

    «Տոտտենհեմ» 1-0 «Բորնմուտ» (տեսանյութ)

    Պրեմիեր Լիգայի 8-րդ տուրում «Տոտտենհեմը» հյուրընկալել էր նախավերջին հորիզոնականում գտնվող «Բորնմուտին»։

    կարդալ...