Նորություններ

Ռայան Գիգգսը 40 տարեկան է (տեսանյութ)

29.11.2013, 18:53

Ռայան ԳիգգսԱյսօր «Մանչեսթեր Յունայթեդի» լեգենդար կիսապաշտպան Ռայան Գիգգսը դարձավ 40 տարեկան: Ուելսցի ֆուտբոլիստի 5-րդ տասնամյակի մուտքը խոսում է նրա ֆուտբոլային երկարակեցության մասին:

 

Քիչ չեն եղել դեպքերը, երբ նրա անունը դուրս է եկել ֆուտբոլից և մտել այլ ոլորտներ: Գիգգսը ծիծաղում է, երբ նրան հիշեցնում են այդ մասին, անգամ կատակում են, որ «Սիմփսոններում» հայտնվելն ավելի հիշարժան իրադարձություն է, քան հաղթանակը Չեմպիոնների Լիգայում:

 

Ռայանն իր տարեդարձից երկու օր առաջ մասնակցեց Չեմպիոնների Լիգայում «Բայերի» դեմ խաղին, որում «մանկունյանցիները» ջախջախիչ հաղթանակ տարան: Անգլիայի գործող չեմպիոն Գիգգսը Պրեմիեր Լիգայի պատմության ամենատիտղոսակիր ֆուտբոլիստն է:

 

Ռայանն արդեն 26 տարի է, ինչ «Յունայթեդում» է: Նա «կարմիր սատանաների» կազմում մասնակցել է ավելի քան 950 պաշտոնական հանդիպումների և դարձել 100-ից ավելի գոլերի հեղինակ: 2013թ-ի մայիսի 19-ին Գիգգսը դարձավ առաջին և առայժմ միակ ֆուտբոլիստը, ով 13 անգամ դարձել է Անգլիայի բարձրագույն դիվիզիոնի չեմպիոն: Գիգգսը նաև միակ ֆուտբոլիստն է, ով գոլեր է խփել Պրեմիեր Լիգայի բոլոր մրցաշրջաններում: Նա նաև առաջինն է, ով Չեմպիոնների Լիգայի 11 մրցաշրջանում գոլերի հեղինակ է դարձել: 2013թ-ի մարտի 5-ին «Ռեալի» դեմ Չեմպիոնների Լիգայում դաշտ դուրս գալով՝ նա նշեց իր կարիերայի 1000-րդ խաղը:

 

Այսօր էլ Ռայան Գիգգսը շարունակում է խաղալ և շարունակում է ուրախացնել ֆուտբոլասերներին:

«Մանչեսթեր Յունայթեդ» 3-2 «Նյուքասլ Յունայթեդ» (տեսանութ)

06.10.2018, 22:26

«Մանչեսթեր Յունայթեդ» 3-2 «Նյուքասլ Յունայթեդ» (տեսանութ)

Պրեմիեր Լիգայի 8-րդ տուրի այսօրվա վերջին խաղում «Մանչեսթեր Յունայթեդը» հյուրընկալել էր «Նյուքասլ Յունայթեդին»։

կարդալ...

«Վեստ Հեմ» 3-1 «Մանչեսթեր Յունայթեդ» (տեսանյութ)

29.09.2018, 17:25

«Վեստ Հեմ» 3-1 «Մանչեսթեր Յունայթեդ» (տեսանյութ)

Պրեմիեր Լիգայի 7-րդ տուրի մեկնարկը տրվեց Լոնդոնի Օլիմպիական մարզադաշտում, ուր «Վեստ Հեմը» հյուրընկալել էր «Մանչեսթեր Յունայթեդին»։

կարդալ...