Նորություններ

«Ռեալը» պատրաստ է 100 մլն եվրո վճարել Կուրտուայի համար

27.03.2016, 18:33

Տիբո ԿուրտուաՄադրիդի «Ռեալը» պատրաստ է տրանսֆերային նոր ռեկորդ սահմանել դարպասապահի համար և 100 մլն եվրո (79 մլն ֆունտ) առաջարկել «Չելսիի» և Բելգիայի ազգային հավաքականի դարպասապահ Տիբո Կուրտուայի համար։

 

Ընդամենը մեկ օր առաջ Տիբոն յուղ լցրեց կրակին՝ հայտնելով, որ վստահ չէ իր ապագայի հարցում։ «Կապույտների» անորոշ հեռանկարները կապված նոր մարզչի և Չեմպիոնների Լիգայի հաջորդ մրցաշրջանին իրենցից մասնակցության հետ, Կուրտուային ստիպել է մտածել ակումբը փոխելու մասին։

 

Իսպանական AS պարբերականի հաղորդմամբ, «Ռեալի» նախագահ Ֆլորենտինո Պերեսը պատրաստ է ահռելի գումարներ ծախսել 23-ամյա Կուրտուայի համար, ով «Ատլետիկոյում» խաղալու ժամանակ երեք փայլուն մրցաշրջան անցկացրեց Լա Լիգայում։

 

Նախորդ ամառ Դավիդ դե Խեայի տրանսֆերի հարցում համաձայնության չգալուց հետո համաշխարհային մակարդակի դարպասապահի հարցը մնում է առաջնային «արքայական ակումբի» համար, չնայած որ ընթացիկ մրցաշրջանում վստահ ելույթներ է ունենում Կեյլոր Նավասը։

 

Պերեսին հայտնի է, որ Լա Լիգայում, Իսպանիայի գավաթում, Եվրոպայի լիգայում և Եվրոպայի սուպերգավաթում խաղացած Կուրտուան իրեն հարմարավետ է զգում Մադրիդում, որտեղ նա հաճախ է այցելում ազատ ժամանակ։ Տիբոն այնտեղ ունի սեփական բնակարան, իսկ նրա ընկերուհին իսպանացի է։

 

Ավելացնենք, որ եթե այս տրանսֆերը կայանա, ապա Կուրտուան կդառնա աշխարհի ամենաթանկ դարպասապահը։ Առայժմ այդ կոչումը պատկանում է Ջանլուիջի Բուֆոնին, ում համար «Յուվենտուսը» 2001 թվականին «Պարմայի» 54 մլն եվրո վճարեց։

Չելսին հաղթեց Արսենալին և նվաճեց Եվրոպա Լիգայի գավաթը (տեսանյութ)

30.05.2019, 00:51

Չելսին հաղթեց Արսենալին և նվաճեց Եվրոպա Լիգայի գավաթը (տեսանյութ)

Բաքվի Օլիմպիական մարզադաշտում կայացավ Եվրոպա Լիգայի եզրափակիչը, որտեղ միմյանց հետ մրցեցին երկու անգլիական ակումբներ՝ «Արսենալը» և «Չելսին»։

կարդալ...

«Լիվերպուլ» 2-0 «Չելսի» (տեսանյութ)

14.04.2019, 21:22

«Լիվերպուլ» 2-0 «Չելսի» (տեսանյութ)

Պրեմիեր Լիգայի 34-րդ տուրի կենտրոնական հանդիպումը կայացավ «Էնֆիլդ» մարզադաշտում, ուր «Լիվերպուլը» հյուրընկալել էր լավագույն քառյակի համար պայքարող «Չելսիին»։

կարդալ...