Մոտակա հանդիպումը

20 հոկտեմբեր 2018, 15:30

Նորություններ

Ռոբերտո Մանչինի. «Երբեմն ֆուտբոլիստները պետք է հասկանան, որ ակումբը հավաքականից ավելի կարևոր է»

29.03.2013, 13:43

Ռոբերտո ՄանչինիԲելգիայի ազգային հավաքականի մարզչական շտաբին քննադատելուց հետո «Մանչեսթեր Սիթիի» գլխավոր մարզիչ Ռոբերտո Մանչինին անձամբ մեղադրել է թիմի ավագ Վենսան Կոմպանիին:

 

Կոմպանին ակումբի կազմում երկու ամիս դաշտ դուրս չի եկել, սակայն օրերս հավաքականի կազմում մասնակցեց Մակեդոնիայի հետ խաղին:

 

-Որոշ դեպքերում խաղացողները պետք է հասկանան, որ ակումբն ավելի կարևոր է: Չեմ ասում, որ հավաքականը կարևոր չէ, և ես երբեք չեմ արգելել իմ ֆուտբոլիստներին՝ ներկայացնելու իրենց երկիրը: Սակայն երբեմն պետք է ակումբային հետաքրքրությունները վեր դասել, և յուրաքանչյուրը պարտավոր է դա հասկանալ:

 

Հավաքականների մարզիչները երբեմն պարզապես իրատեսորեն չեն հասկանում իրավիճակը, սակայն պատասխանատվությունն ընկած է նաև ֆուտբոլիստների վրա:

 

Ես խնդրեցի Կոմպանիին մնալ և շարունակել բուժումն այստեղ: Չէի ցանկանում, որ նա խաղար, որովհետև դա շատ ռիսկային էր, և նա մեզ համար կարևոր կլինի առաջիկա մի քանի ամիսներին:

 

Նա ասաց, որ մարզիչը զանգել է, և նա պետք է մեկնի: Ճիշտ է, քանի որ Կոմպանին պետք է հանդիպեր Բելգիայի հավաքականի բժիշկներին, սակայն այնուհետև հետ վերադառնար: Շատ կարևոր էր, որ նա աշխատեր այստեղ և պատրաստվեր հաջորդ խաղին:

 

Ակնկալում էի, որ նա չէր խաղա և մեկ-երկու օրից կվերադառնար: Դրա փոխարեն նա մասնակցեց ամբողջ խաղին, և այժմ մենք չգիտենք, թե ինչ վիճակում է: Տեղյակ չենք՝ արդյոք նա լավ է, թե ոչ,- հայտնել է Մանչինին: The Telegraph

«Քարդիֆ Սիթի» 0-5 «Մանչեսթեր Սիթի» (տեսանյութ)

23.09.2018, 11:11

«Քարդիֆ Սիթի» 0-5 «Մանչեսթեր Սիթի» (տեսանյութ)

Պրեմիեր Լիգայի 6-րդ տուրում գործող չեմպիոն «Մանչեսթեր Սիթին» հյուրընկալվել էր առաջնության նորեկ «Քարդիֆ Սիթիին»։

կարդալ...

«Մանչեսթեր Սիթի» 3-0 «Ֆուլհեմ» (տեսանյութ)

16.09.2018, 10:16

«Մանչեսթեր Սիթի» 3-0 «Ֆուլհեմ» (տեսանյութ)

Պրեմիեր Լիգայի 5-րդ տուրում գործող չեմպիոն «Մանչեսթեր Սիթին» հյուրընկալել էր առաջնության նորեկներից «Ֆուլհեմին»։

կարդալ...