Նորություններ

Սոնը և Կլոպը սեպտեմբեր ամսվա լավագույններն են

14.10.2016, 15:35

son-heung-min«Տոտտենհեմի» կիսապաշտպան Հին Մին Սոնը և «Լիվերպուլի» գլխավոր մարզիչ Յորգեն Կլոպը ճանաչվել են Պրեմիեր Լիգայի սեպտեմբեր ամսվա լավագույն ֆուտբոլիստ և լավագույն մարզիչ, համապատասխանաբար։

 

24-ամյա հարավկորեացին դարձավ առաջին ասիացին, ով ստացել է Պրեմիեր Լիգայի ամսվա ֆուտբոլիստի մրցանակը։ Դա հնարավոր դարձավ այն բանից հետո, երբ Սոնը մասնակցած 3 խաղում դարձավ 4 գոլի հեղինակ և կատարեց մեկ արդյունավետ փոխանցում։ «Տոտտենհեմը» հաղթեց իր բոլոր երեք խաղերը։

 

-Ես երազել եմ ստանալ այս մրցանակը։ Ցանկանում եմ այն ստանալ երկրորդ, երրորդ անգամ։ Երբ ես մրցանակը տանեմ տուն, չեք պատկերացնի՝ ինչքան կուրախանան իմ ընտանիքի անդամները,֊ ասել է Սոնը։

 

kloppԻսկ ամսվա լավագույն մարզչի մրցանակն ուղևորվեց «Էնֆիլդ»։ Սեպտեմբերին «Լիվերպուլը» ցույց տվեց 100% արդյունավետություն՝ հաղթելով «Լեսթերին» (4:1), «Չելսիին» (1:2) և «Հալլ Սիթիին» (5:1): Շնորհիվ այս հաղթանակների, Կլոպը դարձավ Պրեմիեր Լիգայում ամսվա լավագույն մարզչի մրցանակը ստացած առաջին գերմանացին։

 

-Ես մտա մեր մարզիչներից մեկի սենյակը և ասացի, «Մենք դարձել ենք ամսվա մարզիչ»։ Մեզ պետք չեն անհատական մրցանակներ, սակայն հաճելի է, որ այժմ ևս մեկն ունեմ,֊ ասել է Կլոպը։

 

Ավելացնենք, որ սեպտեմբեր ամսվա լավագույն գոլի հեղինակ է ճանաչվել Ջորդան Հենդերսոնը՝ «Չելսիի» դարպասը խփած գոլով։

«Լիվերպուլը» գնեց Ֆաբինյոյին

29.05.2018, 11:15

«Լիվերպուլը» գնեց Ֆաբինյոյին

«Լիվերպուլը» պաշտոնապես հայտնել է «Մոնակոյի» կիսապաշտպան Ֆաբինյոյին գնելու մասին։ Գործարքն արժեցել է 50 մլն եվրո (43.7 մլն ֆունտ)։

կարդալ...

Լիվերպուլը Չեմպիոնների Լիգայի գավաթը զիջեց Մադրիդի Ռեալին (տեսանյութ)

27.05.2018, 10:17

Լիվերպուլը Չեմպիոնների Լիգայի գավաթը զիջեց Մադրիդի Ռեալին (տեսանյութ)

Գարեթ Բեյլի դուբլի դուբլի շնորհիվ «Մադրիդի Ռեալը» Չեմպիոնների Լիգայի եզրափակչում 3-1 հաշվով հաղթանակ տարավ «Լիվերպուլի» նկատմամբ։

կարդալ...