Նորություններ

Սքոուլզ. «Այսպիսին է իրական «Արսենալը»

26.03.2014, 15:26

Արսենալ«Մանչեսթեր Յունայթեդի» նախկին կիսապաշտպան Փոլ Սքոուլզը զարմացած չէ «Արսենալի» վերջին անհաջողություններից:

 

«Սուոնսիի» դեմ երեկվա խաղում գրանցված ոչ ոքին «զինագործներին» գործնականում դուրս թողեց չեմպիոնական պայքարից: Սքոուլզի կարծիքով, լուրջ մրցակցության համար «Արսենալին» շատ բան է պակասում:

 

-Սա «Արսենալին» բնորոշ շաբաթ էր: «Չելսիի» դեմ խաղում նրանք իսկապես քանդվեցին և թվում է, թե միշտ այդպես է լինում, երբ նրանք խաղում են թոփ ակումբների դեմ: Այդպես եղավ «Լիվերպուլի» դեմ խաղում, երբ նրանք մի քանի րոպեի ընթացքում 4 գոլ բաց թողեցին, այդպես եղավ «Սիթիի» դեմ խաղում, երբ 6 գնդակ բաց թողեցին:

 

«Արսենալի» կիսապաշտպանները՝ Արտետան, Կազորլան, Ռոսիցկին և Օզիլն այդ խաղերում դուրս էին եկել դաշտ առանց կարգադրության: Թվում էր, թե նրանց ասել են. «Դուք չորսդ գնացեք և ինչ ուզում եք՝ արեք: Փորձեք գոլեր խփել, լավ ֆուտբոլ խաղացեք և անգամ մի մտածեք պաշտպանության մասին»:

 

Չգիտեմ, արդյոք այդպիսի բան ասել է մարզիչը (Արսեն Վենգերը), սակայն զգացվում էր, որ պակասում է կարգապահությունը: Նրանք չունեն առաջատար, ինչպիսին առաջ Պատրիկ Վիեյրան, Տոնի Ադամսը կամ Մարտին Կիոունն էին:

 

«Արսենալի» երկրպագուներն ամեն տարի նույն բանն են ստանում: Մի քանի շաբաթ առաջ խոսում էին չեմպիոնության մասին, իսկ երբ հանդիպեցին «Չելսիին», «Սիթիին» և «Լիվերպուլին», ոչինչ չկարողացան անել: Երկրպագուներն «Արսենալից» չեմպիոնական տիտղոս են սպասում, սակայն այժմ նրանք կիլոմետրերով հեռու են դրանից,- ասել է Սքոուլզը: Sky Sports

«Արսենալ» 2-0 «Չելսի» (տեսանյութ)

19.01.2019, 23:25

«Արսենալ» 2-0 «Չելսի» (տեսանյութ)

Պրեմիեր Լիգայի 23-րդ տուրի կենտրոնական հանդիպումը կայացավ «Էմիրեյթս» մարզադաշտում, ուր «Արսենալը» հյուրընկալել էր «Չելսիին»։

կարդալ...

«Վեստ Հեմ» 1-0 «Արսենալ» (տեսանյութ)

12.01.2019, 18:23

«Վեստ Հեմ» 1-0 «Արսենալ» (տեսանյութ)

Պրեմիեր Լիգայի 22-րդ տուրի մեկնարկը տրվեց Լոնդոնի Օլիմպիական մարզադաշտում, ուր «Վեստ Հեմ Յունայթեդը» հյուրընկալել էր «Արսենալին»։

կարդալ...