Գարեթ Բեյլի ու Սերխիո Ռեգիլոնի ձեռքբերումներից հետո Ժոզե Մոուրինյոն, երևի թե, իր աշխատասենյակում բացել է Սըր Ֆերգիից նվեր ստացած գինին ու միաժամանակ նշելով տրանսֆերային շուկայում Տոտտենհեմի  հաջողությունները՝ ֆուտբոլային աշխարհը գրավելու իր խարդախ նախագիծն է մշակում։

Տոտտենհեմը բավականին ակտիվ է վերջին օրերին տրանսֆերային շուկայում։ Մինչև մյուս ակումբները մտածում են, Լևին գործում է․ Սերխիո Ռեգիլիոնը Տոտտենհեմի ֆուտբոլիստ է։ Պայմանագրում հատուկ կետ կա, որին համաձայն Ռեալ Մադրիդը հաջորդ երկու տարիների ընթացքում իսպանացի ֆուտբոլիստի տրանսֆերը առաջնային գնման իրավունք ունի։