Նորություններ

ՖԻՖԱ-ն «Չելսիին» պատժել է տրանսֆերային երկու պատուհանի արգելքով

22.02.2019, 15:18

ՖԻՖԱ-ն «Չելսիին» պատժել է առաջիկա երկու տրանսֆերային պատուհանների արգելքով։ Պատճառը պատանի ֆուտբոլիստների տրանսֆերների ժամանակ «ազնվականների» թույլ տված բազմակի խախտումներն են։

 

Վերջին մի քանի տարիների ընթացքում մամուլը պարբերաբար հայտնում էր, որ ՖԻՖԱ-ի պաշտոնյաները քննում են բազում դեպքեր, երբ «Չելսին» կանոնների խախտմամբ կարողացել է այլ ակումբներից պատանի ֆուտբոլիստներ դուրս բերել։

 

Ի վերջո ՖԻՖԱ-ին հաջողվեց հաստատել «Չելսիի» մեղավորությունը 29 ֆուտբոլիստների դեպքով, որոնց 18 տարեկանը լրացած չի եղել լոնդոնյան ակումբ տեղափոխվելու ժամանակ։

 

Այժմ «Սթեմֆորդ Բրիջի» ակումբը չի կարողանա նորեկների գրանցել առաջիկա երկու տրանսֆերային պատուհանների ընթացքում և առաջիկա 90 օրում պետք է վերացվեն հայտնաբերված խախտումները։

 

«Կապույտները» նաև 460 հազար ֆունտ տուգանք կվճարեն։ ՖԻՖԱ-ն ևս 390 հազար ֆունտ տուգանել է Անգլիայի Ֆուտբոլի Ասոցիացիային իր ակումբներից մեկի անօրինական ակտիվությունն անտեսելու համար։

 

Ավելացնենք, որ «Չելսին» իրավունք ունի որոշումը բողոքարկելու։ Լոնդոնցիները կարող են եթե ոչ չեղարկել, ապա հետաձգել պատիժը։

«Լիվերպուլ» 2-0 «Չելսի» (տեսանյութ)

14.04.2019, 21:22

«Լիվերպուլ» 2-0 «Չելսի» (տեսանյութ)

Պրեմիեր Լիգայի 34-րդ տուրի կենտրոնական հանդիպումը կայացավ «Էնֆիլդ» մարզադաշտում, ուր «Լիվերպուլը» հյուրընկալել էր լավագույն քառյակի համար պայքարող «Չելսիին»։

կարդալ...

«Քարդիֆ Սիթի» 1-2 «Չելսի» (տեսանյութ)

31.03.2019, 19:04

«Քարդիֆ Սիթի» 1-2 «Չելսի» (տեսանյութ)

Պրեմիեր Լիգայի 32-րդ տուրում «Չելսին» հյուրընկալվել էր վտանգավոր գոտում գտնվող «Քարդիֆ Սիթիին»։

կարդալ...