«Չելսիի» նախկին հարձակվող Ադրիան Մուտուն լուրջ քննադատության է ենթարկել «կապույտների» գլխավոր մարզիչ Ժոզե Մոուրինյոյին՝ հայտնելով, որ պորտուգալացին սպառվել է որպես մարզիչ։
Ռումինացին Մոուրինյոյի հետ կարճատև աշխատանքի ընթացքում այնքան էլ լավ հարաբերություն չի ունեցել վերջինիս հետ, ինչն ավարտվել է ակումբից Մուտուի հեռանալով։
Ադրիանի խոսքերով, լոնդոնյան ակումբի ներկայիս ճգնաժամն ուղղակիորեն կապված է Մոուրինյոյի հետ։
-Մոուրինյոն նախկինում մեծ մարզիչ էր։ Նա մտածում է միայն իր մասին, նրան չի հետաքրքրում ֆուտբոլիստների մտածածը և զգացածը։ Հնարավոր չէ ուղղակի գնալ նրա մոտ և խոսել։
Որպես մարզիչ նա իրեն սպառել է։ Նա հետ գնալու տեղ չունի։ Այժմ մենք տեսնում ենք, որ նրա սաներից շատերը դժգոհ են իրենից։ Ինչու՞։ Միակ պատճառը հենց ինքն է։
Առաջինը, որ նա անում է, թիմի լիդերներներից մեկին հեռացնելն է։ Թերրի, Լեմպարդ, հետո էլի ինչ որ մեկին։ Նա դա անում է իր հաճույքի համար,- Մուտուի խոսքերն է մեջբերում Goal-ը։
