Եվրոպայի 2016 թվականի առաջնության եզրափակիչ փուլի B խմբում իր երկրորդ խաղն անցկացրեց Անգլիայի ազգային հավաքականը։ Ռոյ Հոջսոնի սաները նոմինալ դաշտի տիրոջ կարգավիճակով հյուրընկալել էին Ուելսի ազգային ընտրանուն։
Բրիտանական դերբիում կամային հաղթանակ տարան անգլիացիները։ Առաջին խաղակեսում իր թիմին հեռահար հարվածում առաջ մղեց Գարեթ Բեյլը։ 56-րդ րոպեին հաշիվը հավասարեցրեց փոխարինման դուրս եկած Ջեյմի Վարդին, իսկ արդեն ավելացրած ժամանակում «երեք առյուծների» հաղթական գոլը խփեց Դանիել Սթարիջը։
Այս խաղից հետո B խմբի առաջատար դարձավ Ռոյ Ջոջսոնի թիմը։
Գոլեր․ Բեյլ՝ 42ր, Վարդի՝ 56ր, Սթարիջ՝ 90ր։
