«Արսենալը» պաշտոնապես հայտնել է թիմի վինգեր Թեո Ուոլկոտի հետ նոր պայմանագրի ստորագրման մասին:
Ինչպես հայտնի է, Ուոլկոտը «Արսենալ» է տեղափոխվել 2006թ-ի հունվարին «Սաութհեմպտոնից»: Այդ պահից Թեոն մասնացել է 244 խաղի և դարձել 56 գոլի հեղինակ:
Ընթացիկ մրցաշրջանում 23-ամյա Ուոլկոտը վերջապես հնարավորություն ստացավ խաղալ հարձակման կենտրոնում: Հենց Թեոն է այս պահին «Արսենալի» լավագույն ռմբարկուն:
Նոր պայմանագրի շուրջ բանակցությունները սկսել են ամառվանից և միայն այժմ կողմերին հաջողվեց համաձայնության գալ: Նոր պայմանագրով Թեոն «Արսենալում» կմնա 3.5 տարի և կվաստակի շաբաթական 100 հզր ֆունտ:
-Ես շատ ուրախ եմ, որ նոր պայմանագիր ստորագրեցի «Արսենալի» հետ: Շնորհակալ եմ բոլոր նրանց, ովքեր ինձ աջակցում են ,- ասել է Թեոն:
