«Արսենալի» գլխավոր մարզիչ Արսեն Վենգերը որոշել է իր առաջատարներին հանգստանալու հնարավորություն տալ:
«Սուոնսիից» կրած տնային պարտությունից հետո Վենգերը հայտնել է, որ «զինագործների» գործողություններում հոգնածություն էր նկատվում:
«Արսենալը» Չեմպիոնների Լիգայի խմբային փուլի վերջին խաղի համար Աթենք կմեկնի այսօր կեսօրին: Սպասվում է, որ Լոնդոնում կմնան Ջեկ Ուիլշերը, Թեո Ուոլկոտը և Լուկաս Պոդոլսկին: Հավանական է, որ հանգստանալու հնարավորություն ստանան նաև Սանտի Կազորլան և Միկել Արտետան:
Ավելացնենք, որ «Արսենալը» արդեն ապահովել է փլեյ-օֆֆի ուղեգիրը: Սակայն այս պահին մեկ միավոր հետ է խմբի առաջատար «Շալկեից»: Ինչպես երևում է, Վենգերի համար ավելի կարևոր է թիմի առաջատարներին հանգստի հանարավորություն տալը, քան պայքարը առաջին տեղի համար:
Հիշեցնենք, որ «Օլիմպիակոս» – «Արսենալ» խաղը տեղի կունենա վաղը, Երևանի ժամանակով 23:45-ին:
