Պրեմիեր Լիգայի 8-րդ տուրի կենտրոնական հանդիպումներից երկրորդը կկայանա Լոնդոնի «Էմիրեյթս» մարզադաշտում, ուր «Արսենալը» կընդունի «Մանչեսթեր Յունայթեդին»։
«Կարմիր սատանաներն» սպասվածից ավելի լավ են մեկնարկել ընթացիկ մրցաշրջանը և այս տուրից առաջ գլխավորում էին մրցաշարային աղյուսակը։ Նրանց կազմում իր լավագույն որակներով է հանդես գալիս իսպանացի Խուան Մատան, ով մշտապես դառնում է գոլի և գոլային փոխանցման հեղինակ։
Արսեն Վենգերի թիմն առայժմ աչքի չի ընկնում կայունությամբ։ «Չելսիին» պարտվելուց հետո նրանք ջախջախեցին «անպարտելի» «Լեսթեր Սիթիի», իսկ Չեմպիոնների Լիգայում պարտվեցին «Օլիմպիակոսին»։ Լավ մարզավիճակում է գտնվում լոնդոնցիների առաջատար Ալեքսիս Սանչեսը, ով նախորդ տուրում հետ-տրիկի հեղինակ դարձավ։
Անգլիական այս երկու գրանդներն ընդհանուր առմամաբ հանդիպել են 221 անգամ և առավելությունը մանչեսթերյան ակումբի կողմն է, որը հաղթել է միմյանց միջև անցկացված խաղերից 93-ում։ 79 խաղ ավարտվել է «զինագործների» հաղթանակով, իսկ 49 անգամ թիմերը բաժանվել են խաղաղությամբ։
Խաղը տեղի կունենա այսօր, Երևանի ժամանակով 19։00-ին։
Մեր կանխատեսումը՝ 1։2
