«Արսենալի» գլխավոր մարզիչ Արսեն Վենգերը վստահ է, որ Պրեմիեր Լիգան շարունակում է մնալ աշխարհի ուժեղագույն ֆուտբոլային առաջնությունը:
Անգլիական չորս ակումբների ելույթները Չեմպիոնների Լիգայի 1/8 եզրափակչում մեղմ ասած չի կարելի գոհացնող համարել՝ 3 պարտություն, մեկ ոչ ոքի և խփված մեկ գնդակ:
Միաժամանակ «Սուոնսին» ավարտեց իր ելույթները Եվրոպա Լիգայում՝ պարտվելով իտալական «Նապոլիին» և միայն «Տոտտենհեմը» շարունակեց պայքարը: Սակայն Վենգերի կարծիքով, Պրեմիեր Լիգան շարունակում է մնալ լավագույնը:
-Ես վստահ եմ, որ Պրեմիեր Լիգան լավագույնն է աշխարհում: Սա այն առաջնությունն է, որտեղ մակարդակների տարբերություն մեծ չէ՝ ի տարբերություն մյուս առաջնությունների:
Պրեմիեր Լիգայում յուրաքանչյուր թիմ կարող է ուղևորվել օրինակ Քարդիֆ և պարտվել: Իսպանիայի առաջնությունն էլ է լավը, սակայն ընթացիկ մրցաշրջանում միայն Պրեմիեր Լիգայում է մեծ մրցակցությունը:
Հարցրեք սա Մեսութ Օզիլին կամ Մանուել Պելեգրինիին, ովքեր լավ ծանոթ են Լա Լիգային: Նրանք էլ նույնը կասեն,- Վենգերի խոսքերն է մեջբերում Sky Sports-ը:
