«Նյուքասլի» կիսապաշտպան Հաթեմ Բեն Արֆան վստահ է, որ իր թիմն այս մրցաշրջանը լավ անցկացնելու և հնգյակում տեղ զբաղեցնելու լավ հնարավորություններ ունի:
Պրեմիեր Լիգայի մեկնարկը «կաչաղակների» համար շատ անհաջող ստացվեց. նրանք «Մանչեսթեր Սիթիին» հյուրընկալվելիս պարտվեցին 0:4 հաշվով: Սակայն այս արդյունքը Բեն Արֆային չի հուսալքում:
-Մեր նպատակը մրցաշրջանը 10-յակում ավարտելն է, և ես հույս ունեմ, որ մեզ կհաջողվի տեղ զբաղեցնել առաջին հնգյակում: Դժվար կլինի դա անել, բայց ես հավատում եմ:
Պետք է մոռանանք «Սիթիի» հետ խաղը, այն արդեն անցյալում է: Այժմ մենք պետք է կենտրոնանանք շաբաթ օրը կայանալիք «Վեստ Հեմի» դեմ խաղի վրա,- Բեն Արֆայի խոսքերն է մեջբերում Daily Star-ը:
