«Մանչեսթեր Սիթիի» կիսապաշտպան Դավիդ Սիլվան Իսպանիայի հավաքականում վնասվածք է ստացել և վերադառնում է ակումբ:
Իսպանական մամուլի տեղեկության համաձայն, 27-ամյա Սիլվան ծնկի հատվածում վնասվածք է ստացել: Այս վնասվածքը թույլ չի տա նրան մասնակցել երեքշաբթի երեկոյան կայանալիք Չիլիի հավաքականի դեմ ընկերական խաղին:
Սիլվան բուժզննում է անցել, և պարզվել է, որ նա թեթևակի վնասել է մկանը: Բարդություններից խուսափելու համար հավաքականի բժշկական շտաբը որոշել է ֆուտբոլիստին ետ ուղարկել «Սիթի»: