«Մանչեսթր Սիթիի» գլխավոր մարզիչ Ռոբերտո Մանչինին քննարկել է իր թիմի հնարավորությունները` Եվրոպայի Լիգա դուրս գալու:
-Մենք ամեն ինչ կանենք Եվրոպայի լիգայի ուղեգիր նվաճելու համար, բայց մինչ այդ պետք է հաղթենք «Բորուսիային» Դորտմունդում: Իսկ դա հեշտ չի լինի, քանի որ նրանք հիանալի մարզավիճակում են:
Մանչինիի խոսքերով նրանք դեռ պետք է պայքարեն Անգլիայի չեմպիոնության, Անգլիայի գավաթի և Եվրոպայի Լիգան հաղթելու համար, եթե իհարկե հասնեն այնտեղ: Իսկ մինչ այդ շատ հանդիպումներ են սպասվում Անգլիայի ներկայիս չեմպիոնին:
Անգլիական ակումբը տխուր է Չեմպիոնների լիգան լքելու համար:
-Վիճակահանությամբ մեր բախտը չբերեց: Չեմպիոնների լիգան ինքնին բարդ առաջնություն է, իսկ մեզ արդեն երկրորդ տարին անընդմեջ ընկնում է ամենաբարդ խումբը,- ասել է իտալացի մարզիչը Sky Sports-ին:
