Բրազիլիացի դարպասապահ Էուրելիո Գոմեսը «Տոտտենհեմից» հեռանալուց հետո երկար ժամանակ առանց ակումբի չմնաց: Այսօր նա պայմանագիր է ստորագրել Չեմպիոնշիփում հանդես եկող «Ուոտֆորդի» հետ:
Ուրբաթ օրը հայտնի դարձավ, որ Գոմեսը 6 տարի լոնդոնյան ակումբում գտնվելուց հետո լքում է «Ուայթ Հարթ Լեյնը»: 33-ամյա Գոմեսը նախընտրեց մնալ Անգլիայում:
Էուրելիոն մեկ տարվա պայմանագիր է ստորագրել «Ուոտֆորդի» հետ, պայմանով, որ ժամկետի լրանալուց հետո կողմերը կարող են համաձայնագիրն ավելացնել ևս 12 ամսով: