«Չելսիի» գլխավոր մարզիչ Ժոզե Մոուրինյոն կործում է, որ դեռ վաղ է «Մանչեսթեր Յունայթեդին» Պրեմիեր Լիգայի չեմպիոնական պայքարից դուրս թողնելու համար:
«Սթեմֆորդ Բրիջում» կայանալիք վաղվա խաղից առաջ «Յունայթեդն» առաջատար «Արսենալից» հետ է 11 միավորով: Ֆուտբոլային շատ փորձագետներ արդեն այժմ Դևիդ Մոյեսին դուրս են թողել լավագույն քառյակից: Սակայն պորտուգալացի մարզչի համար «Յունայթեդը» ոչ թե 7-րդ հորիզոնականում գտնվող մի թիմ է, այլ՝ Պրեմիեր Լիգայի գործող չեմպիոնը:
-Այս պահին առաջնության երկու ուժեղագույն թիմերն են «Արսենալը» և «Մանչեսթեր Սիթին»: Լավ կազմ ունի նաև «Լիվերպուլը»: Իսկ «Յունայթեդը» մնում է «Յունայթեդ»: 11 միավորի տարբերությունը մեծ է, սակայն նրանք պայքարելու են մինչև վերջին պահը: Մենք վաղը խաղալու ենք երկրի չեմպիոնների դեմ,- Մոուրինյոյի խոսքերն է մեջբերում The Independent-ը:
