«Լիվերպուլը» պաշտոնապես հայտնել է դարպասապահ Պեպե Ռեյնային «Բավարիային» վաճառելու մասին: Իսպանացու տրանսֆերի դիմաց գերմանական ակումբը «կարմիրներին» վճարել է 2 մլն ֆունտ:
Նախորդ մրցաշրջանում վարձավճարով «Նապոլիում» հանդես գալուց հետո այս ամռանը Ռեյնան վերադարձավ «Լիվերպուլ»: Չնայած մի քանի առաջարկություններին, Ռեյնան մինչմրցաշրջանային մարզումները սկսեց Բրենդան Ռոջերսի թիմում:
Սակայն այսօր հայտնի դարձավ, որ Ռեյնան պաշտոնապես տեղափոխվել է «Բավարիա»՝ Բունդեսլիգայի չեմպիոնի հետ երեք տարվա պայմանագիր ստորագրելով:
Ավելացնենք, որ Ռեյնան «Լիվերպուլում» էր 2005թ-ից, երբ տեղափոխվեց «Վիլյառեալից»: «Կարմիրների» հետ Ռեյնան հաղթել է ՈՒԵՖԱ-ի սուպերգավաթը, Անգլիայի և Լիգայի գավաթները: