«Լիվերպուլը» պաշտոնապես հայտնել է, որ հաջորդ մրցաշրջանից ակումբի տեխնիկական հովանավորը կդառնա New Balance-ը:
2012/13 մրցաշրջանից «կարմիրների» մարզահագուստը կարում է ամերիկյան Warrior ընկերությունը, որը մերսիսայդյան ակումբին տարեկան վճարում է 25 մլն ֆունտ:
Եվ չնայած որ գործող 6 տարվա պայմանագիրը դեռ չի լրացել, «Լիվերպուլը» ոչ մի խնդիր չի ունենա իր հովանավորի հետ, քանի որ Warrior-ը հանդիսանում է New Balance-ի դուստր ընկերությունը:
New Balance-ը տեղակայված է Բոսթոնում, ինչպես որ Fenway Sports Group-ը, որն էլ ղեկավարում է «Լիվերպուլը»: FSG-ի մեկ այլ ակումբ՝ բեյսբոլի «Բոսթոն Ռեդ Սոկսը» նույնպես համագործակցում է New Balance-ի հետ:
Պայմանագրի ստույգ երկարությունը և ֆինանսական մանսրամասները չեն հաղորդվում: Պաշտոնական հաղորդագրության մեջ միայն ասվում է, որ այս երկարաժամկետ պայմանագիրը «Լիվերպուլի» պատմության մեջ ամենաշահավետն է:
