«Էվերթոնի» հարձակվող Ռոմելու Լուկակուն, ով մոտ է շարք վերադառնալուն, հայտնել է, որ ցանկանում է հաջորդ մրցաշրջանում խաղալ Չեմպիոնների Լիգայում:
«Չելսիում» երիտասարդ բելգիացու ապագան հարցականի տակ է, սակայն «Էվերթոնում» մնալու դեպքում էլ է նա ցանկանում մասնակցել Չեմպիոնների Լիգային:
-Ես 21 տարեկան եմ և արդեն 5 տարի է, ինչ պրոֆեսիոնալ ֆուտբոլիստ եմ: Տարիներն անցնում են: Ժամանակն է, որ ես հանդես գամ Չեմպիոնների Լիգայում: Դա կլինի իմ կարիերայի հաջորդ քայլը: Կրիշտիանու Ռոնալդուն և Ուեյն Ռունին այդ առաջնությունում խաղացել են իրենց 23-24 տարեկան հասակում: Այժմ ես պետք է ապացուցեմ, որ պատրաստ եմ խաղալ Չեմպիոնների Լիգայում,- Լուկակուի խոսքերն է մեջբերում Het Laatste Nieuws-ը:
Միաժամանակ «Էվրեթոնի» գլխավոր մարզիչ Ռոբերտո Մարտինեսը հայտնել է, որ Լուկակուն մոտ է շարք վերադառնալուն: Վարձակալության պայմանագրի կետերի համաձայն, նա չի կարողանա մասնակցել «Չելսիի» դեմ խաղին, ուստի կվերադառնա մարտի 1-ին՝ «Վեստ Հեմի» դեմ խաղին:
