«Նյուքասլ Յունայթեդի» 31-ամյա վինգեր Խոնաս Գուտիերեսի մոտ ախտորոշվել է ամորձու ուռուցք: Բժիշկներն արդեն հեռացրել են Գուտիերեսի ձախ ամորձին, և այժմ արգենտինացին պայքարում է կյանքի համար: Արջևում դեռ քիմոթերապիայի բարդ կուրսեր կան:
-Երբ ինձ մոտ հայտնաբերվեց ուռուցք, ես արցունքներով վերադարձա տուն: Դա ամենածանր խաղն էր, որ ես երբևէ խաղացել էի: Ես վերադարձա Արգենտինա, չնայած «Նյուքասլի» հետ ունեցած պայմանագրին: Այստեղ կարևորը գումարը չէ: Կարևորը կյանքն է, և մենք սկսեցինք քիմոթերապիան:
Ձախ ամորձին հեռացնելուց հետո ես մեկնեցի Անգլիա, և «Նյուքասլն» ինձ ասաց, որ կարող եմ վերադառնալ Արգենտինա: Դժվար էր համակերպվել մազերի կորստի հետ: Ես ցանկանում էի պահել այն: Սակայն կյանքի համար պայքարում ամեն ինչ դառնում է ոչ այնքան կարևոր: Ես ցանկացա պատմել իմ պատմությունը, որպեսզի հնարավոր լինի օգնել ուռուցք ունեցող մյուս հիվանդներին,- ասել է Գուտիերեսը: Sky Sports
