Ինչպես հայտնի է դառնում Sky Sports պարբերականից, «Կրիստալ Փելեսը» համաձայնեցրել է «Տոտտենհեմի» կիսապաշտպան Գիլֆի Սիգուրդսոնի և «Քարդիֆ Սիթիի» հարձակվող Ֆրեյզեր Քեմպբելի տրանսֆերները:
Ավստրիայում անցկացրած մարզական հավաքից վերադառնալուց հետո «արծիվների» գլխավոր մարզիչ Տոնի Պյուլիսը վերսկսել է բանակցությունները և նկատելի արդյունքի է հասել:
Հաղորդվում է, որ «Տոտտենհեմը» համաձայնվել է Սիգուրդսոնին զիջել լոնդոնյան իր հարևանին 8 մլն ֆունտի դիմաց: Քեմպբելի համար «Փելեսը» կվճարի ընդամենը 600 հզր ֆունտ, քանի որ հենց այդ գումարն էր նախատեսված Պրեմիեր Լիգայից «Քարդիֆի» դուրս մնալու դեպքում:
Նշենք, որ «Փելեսը» դեռ պետք է համաձայնության գա նաև ֆուտբոլիստների հետ, որտեղ էլ սպասվում են հիմնական խնդիրները: Խոսվում է, որ Սիգուրդսոնը չի ցանկանում հեռանալ «Ուայթ Հարթ Լեյնից» և մտադիր է պայքարել հիմնական կազմում տեղ գտնելու համար:
