«Մանչեսթեր Սիթիի» պաշտպան Մայկոնը իր կարծիքն է հայտնել Չեմպիոնների Լիգայի և իր թիմի ցուցադրած խաղի մասին.
-«Մանչեսթեր Սիթին» ամեն ինչ ունի: Սա մեծ ակումբ է: Դուք կարող եք տեսնել, որ մենք խաղից խաղ ավելի լավ ենք խաղում: Չեմպիոնների Լիգան և Պրեմիեր Լիգան տարբեր առաջնություններ են: Մեր ակումբում հիանալի ֆուտբոլիստներ են հավաքվել, որոնք կարող են «Սիթիի» հաջողությունը ապահովել նաև եվրոգավաթներում: Չեմպիոնների Լիգային պետք է մոտենանք այնպես, ինչպես ազգային առաջնությանը: Վաղ թե ուշ «Սիթին» հաղթելու է Չեմպիոնների Լիգայում, որովհետև բոլորս ենք դա ուզում,- ասել է «Սիթիի» աջ պաշտպանը:
