«Պորտուի» պաշտպան Էլյակիմ Մանգալան հաստատել է, որ իր ակումբը բանակցություններ է վարում «Մանչեսթեր Սիթիի» հետ: Սակայն Ֆրանսիայի ազգային հավաքականի ֆուտբոլիստը վերջնական որոշումը կկայացնի աշխարհի 2014թ-ի առաջնությունից հետո:
Խոսվում է, որ Պրեմիեր Լիգայի չեմպիոնները պատրաստ են Մանգալայի և նրա թիմակից Ֆերնանդոյի համար վճարել 35 մլն ֆունտ: Նման հետաքրքրություն իսկապես կա, սակայն այժմ Մանգալայի ողջ ուշադրությունն ուղղված է ԱԱ2014-ին:
-Իմ նպատակը աշխարհի առաջնությունն է: Դրանից հետո մենք կտեսնենք, թե ինչ կստացվի: Ես իմ գործակալին հայտնել եմ, որ չեմ ցանկանում իմանալ տրանսֆերային իրադարձությունների մասին, մինչև չեմ ավարտի ելույթներս աշխարհի առաջնությունում:
Յուրաքանչյուր ֆուտբոլիստ ցանկանում է հանդես գալ մեծ ակումբում: Ես հնարավորություն ունեմ մնալ «Պորտուում»՝ Եվրոպայի ուժեղագույն ակումբների մեկում: ՊՍԺ-ն լավ ակումբ է, և ես նրանց հաջողություն եմ մաղթում: «Պորտուն» բանակցում է «Մանչեսթեր Սիթիի» հետ, սակայն ակումբները դեռ համաձայնության չեն եկել: Ամռանը կտեսնենք, թե ինչ կստացվի,- ասել է Մանգալան: BeinSport
