«Մանչեսթեր Սիթիի» գլխավոր մարզիչ Մանուել Պելեգրինին հայտնել է, որ «Չելսիի» դեմ երեկվա խաղում (0:1) իրենք զգում էին Ֆերնանդինյոյի և Սերխիո Ագուերոյի կարիքը:
Վնասվածքների պատճառով Պելեգրինիի տրամադրության տակ չէին հիմնական կազմի երկու առանցքային ֆուտբոլիստները: Օրինակ Ֆերնանդինյոյի փոխարեն հենակետային կիսապաշտպանի դիրքում խաղում էր Մարտին Դեմիկելիսը, ով նոմինալ պաշտպան է:
-Մենք մի քանի գոլային պահ ունեցանք, սակայն չկարողացանք դա օգտագործել: Առանց Ագուերոյի և Ֆերնանդինյոյի շատ ծանր էր խաղալ:
Նկատելի էր, որ նրանցից բացի զգացվում էր նաև Նասրիի և Խավի Գարսիայի բացակայությունը: Մենք ստիպված էինք դիրքային որոշ փոփոխություններ կատարել:
Դա որոշիչ խաղ էր «Չելսիի» համար: Հաղթանակի դեպքում մենք 6 միավորով առաջ կանցնեինք նրանցից: Այժմ մենք երկու միավորով հետ ենք «Արսենալից»: Այստեղ ոչ ոք չի մտածում ռեկորդների մասին, մենք ուղղակի մտածում ենք հաղթանակի մասին,- Պելեգրինիի խոսքերն է մեջբերում Manchester Evening News-ը:
