Չեմպիոնների Լիգայի 1/8 եզրափակչի պատասխան խաղում «Մանչեսթեր Յունայթեդը» հյուրընկալեց Մադրիդի «Ռեալին»:
Թիմերի երկրորդ դիմակայությունը ընթացավ բավական լարված պայքարում: Խաղի հաշիվը բացվեց երկրորդ խաղակեսի սկզբնամասում: Ինքանգոլի հեղինակ դարձավ Սերխիո Ռամոսը՝ առաջ մղելով դաշտի տերերին: Գոլից ընդամենը 8 րոպե հետո «մանկունյանցիները» մնացին 10 ֆուտբոլիստով: Արբելոայի նկատմամբ կոպիտ խաղի համար դաշտից հեռացվեց Լուիշ Նանին:
«Ռեալը» կարողացավ թվային առավելությունը վերածել գոլերի: 66-րդ րոպեին Լուկա Մոդրիչը հավասարեցրեց հաշիվը, իսկ 3 րոպե հետո Կրիշտինաու Ռոնալդուն առաջ մղեց հյուրերին: Հանդիպման մնացած հատվածում հաշվի մեջ փոփոխություն տեղի չունեցավ և «Ռեալը», երկու խաղերի արդյունքում հաղթելով 3:2 հաշվով, դուրս եկավ 1/4 եզրափակիչ:
Գոլեր. Ռամոս՝ 48ր (ինքն.), Մոդրիչ՝ 66ր, Ռոնալդու՝ 69ր
Հեռացում. Նանի՝ 57ր,
