Պրեմիեր Լիգայի 12-րդ տուրի կենտրոնական հանդիպումը կայացավ Մանչեսթեր քաղաքի «Էթիհադ» մարզադաշտում, ուր առաջատար «Մանչեսթեր Սիթին» հյուրընկալել էր սկզբունքային մրցակից «Մանչեսթեր Յունայթեդին»։
Խաղն անցավ «քաղաքայինների» նկատելի առավելությամբ, որոնք էլ 3-1 հաշվով հաղթանակ տարան սեփական հարկի տակ։ Դաշտի տերերից գոլերի հեղինակ դարձան Դավիդ Սիլվան, Սերխիո Ագուերոն և Իլկայ Գյունդողանը։ «Կարմիր սատանաների» միակ գոլն էլ 11 մետրանոցից խփեց Անտոնի Մարսյալը։
Այս հաղթանակից հետո Պեպ Գվարդիոլայի թիմը՝ վաստակած 32 միավորով կշարունակի միանձնյա գլխավորել մրցաշարային աղյուսակը։
Գոլեր․ Դ․ Սիլվա՝ 12ր, Ագուերո՝ 48ր, Մարսյալ՝ 58ր (11մ), Գյունդողան՝ 86ր։
