«Չելսիի» գլխավոր մարզիչ Ժոզե Մոուրինյոն հայտնել է, որ իր թիմի հարձակվող Դիեգո Կոստան հեռու է իր լավագույն մարզավիճակից և առողջական խնդիրների պատճառով գրեթե չի մարզվում:
«Աստոն Վիլլայի» դեմ շաբաթ օրվա խաղում (3:0) իսպանացի ռմբարկուն խփեց Պրեմիեր Լիգայի այս մրցաշրջանում իր ութերորդ գոլը, սակայն ազդրի վնասվածքն այդպես էլ հանգիստ չի տալիս Դիեգոյին:
-Նա չի կարողանում ցույց տալ իր լավագույն խաղը: Մարզումների ժամանակ նա գործնականում ոչինչ չի անում: Ինձ համար կարևոր է, որ թիմն այնքան գոլեր խփի, որքանը անհրաժեշտ է հաղթանակի համար,- ասել է Մոուրինյոն: BBC
Պորտուգալացի մարզիչը նաև հերթական անգամ Իսպանիայի հավաքականի գլխավոր մարզչին խորհուրդ է տվել Եվրո-2016-ի որակավորման խաղերին չհրավիրել Կոստային:
