«Սանդերլենդի» հարձակվող Սթիվեն Ֆլեթչերը վիրահատել է կոճը և այժմ բաց կթողնի մրցաշրջանի մնացած հատվածը:
Վիրահատությունը կատարվել է երկուշաբթի օրը: Այժմ հարցն այն է, թե արդյոք Շոտլանդիայի ազգային հավաքականի խաղացողը կապաքինվի մինչև նոր մրցաշրջանի սկիզբը, թե ոչ:
Հիշեցնենք, որ Ֆլեթչերը «Սանդերլենդ» է տեղափոխվել անցած տարի «Վուլվերհեմպտոնից» 12 մլն ֆունտով: Սթիվենը դեռ մնում է իր նոր թիմի գլխավոր ռմբարկուն՝ դառնալով 11 գոլի հեղինակ: Ֆուտբոլիստն արդեն բաց է թողել «Սանդերլենդի» վերջին երեք խաղերը:
