«Լիվերպուլի» հարձակվող Յագո Ասպասի գործակալը բացառել է այս ամռանը իսպանացի հարձակվողի հեռանալն «Էնֆիլդից»:
Նախորդ ամռանը «կարմիրները» «Սելտայի» ռմբարկուի համար ոչ քիչ գումար ծախսեցին, ով սակայն գործնակնում ոչ մի օգուտ չտվեց թիմին: Ասպասը մասնակցելով Պրեմիեր Լիգայի 13 հանդիպման՝ ոչ մի գոլի հեղինակ չդարձավ:
Որոշ ժամանակ առաջ 26-ամյա իսպանացին իր դժգոհությունը հայտնեց խաղային պրակտիկայի բացակայությունից և ակնարկեց հեռանալու մտադրության մասին: Սակայն նրա գործակալը վստահեցնում է, որ Ասպասը կմնա «Լիվերպուլում»:
-Հավանականություն չկա, որ Յագոն կվերադառնա Իսպանիա կամ կտեղափոխվի մեկ այլ ակումբ: Նա «Լիվերպուլի» հետ չորս տարվա պայմանագիր ունի և նա իրեն երջանիկ է զգում այնտեղ: Յագոյի տրանսֆերի հետ կապված ես ոչ մի ակումբի հետ չեմ կապնվել: Նա կշարունակի խաղալ «Լիվերպուլում»,- ասել է ֆուտբոլիստի գործակալ Ռոդրիգես Բաստերան: Goal