«Կրիստալ Փելեսի» գլխավոր մարզիչ Յան Հոլոուեյը մրցավարին քննադատելու համար որակազրկվել է երկու խաղով և տուգանվել է 18 հզր ֆունտով:
Հիշեցնենք, որ օգոստոսի 18-ին Պրեմիեր Լիգայի շրջանակներում «Տոտտենհեմից» նվազագույն հաշվով պարտություն կրելուց հետո Հոլոուեյն իր հիասթափությունն էր հայտնել Մարկ Կլատենբուրգի մրցավարական խմբի աշխատանքից:
Այն ժամանակ ֆուտբոլի ասոցիացիան միանգամից երկու մեղադրանք էր առաջադրել Հոլոուեյին, ով խաղից հետո ոչ միայն Կլատենբուրգի անձնակազմի աշխատանքից էր բողոքել, այլև հայտնել էր, որ մրցաշրջանն իր թիմի համար շատ բարդ կլինի մրցավարության նման աշխատանքի պատճառով: «Արծիվների» մարզիչը, երկար մտածելուց հետո, որոշել է չօգտվել բողոքարկման իր իրավունքից և համաձայնվել է պատիժը կրել:
Այսպիսով, «Մանչեսթեր Յունայթեդի» և «Սուոնսիի» դեմ խաղերին Հոլոուեյը կհետևեի տրիբունայից: Ինչպես նաև, նա պետք է դրամական տուգանք վճարի:
